Ҷей-Ди Вэнс, муовини раиси ҷумҳури Амрико, гуфта, ки Иёлоти Муттаҳида ба дастёбӣ ба тавофуқ бо Эрон “бисёр наздик” аст, аммо ин тавофуқ метавонад ҳафтаи оянда ё моҳҳо баъд ҳосил шавад.

Ҷей-Ди Вэнс, ин мавзуъро рӯзи сешанбе, 9-уми июн, дар мусоҳиба бо “Си-би-эс Нюз”, баён карда ва гуфтааст, ки эҳсос мекунад ба тавофуқе бо Эрон даст хоҳанд ёфт.

Бар асоси гузориш, муовини раиси ҷумҳури Амрико, гуфтааст, ки ин тавофуқ метавонад “қатъан” қабл аз интихоботи миёндавраии ноябр ҳосил шавад.

Ӯ афзудааст: “Ман фикр мекунам, ки ин тавофуқ метавонад дар ҳафтаи оянда иттифоқ биафтад, аммо ин тавофуқ, ҳамчунин, метавонад моҳҳо баъд ба даст ояд”.

Бо ин ҳол, Доналд Тромп, раиси ҷумҳури Амрико, рӯзи сешанбе гуфтааст, ки музокирот бо Эрон дар “нуқоти поёнӣ”-и худ аст ва эҳтимоли тавофуқ дар “ду ё се рӯз” вуҷуд дорад.

Эрон ва Амрико аз чанд ҳафта инҷониб дар ҳоли музокира бо миёнҷигарии Покистон барои дастёбӣ ба як тавофуқи сулҳ ҳастанд, аммо ҳанӯз маълум нест, ки ду тараф ба чунин тавофуқе даст хоҳанд ёфт ё на.

Dialog.tj