Дабири Шурои амнияти Русия дар нахустин маҷмаи амнияти байналмилалӣ, ки таҳти назорати ин шуро баргузор шуд, гуфт: “Дар маҷмуъ 56 кишвар бо кумак ба амалиёти паҳподӣ, амалан дар ҳоли ҷанг бо Русия дар Украина ҳастанд”.

Ба гузориши хабаргузории “ТАСС”, Сергей Шойгу дар бораи тавлиди муштараки паҳподҳои дурбурд тавассути Олмон ва Украина рӯзи 28-уми май гуфт: “Дар маҷмуъ 56 кишвар дар воқеъ алайҳи мо меҷанганд. Як паҳподи дурбурд бидуни системи ҳидоят бетаъсир аст. Бинобар ин, фанновариҳои моҳвораӣ дар он дохил ҳастанд”.

Ӯ афзуд: “Ин ба маънои барномарезии масири парвоз, танзими парвоз ва бисёр иқдомҳои дигар аст. Бинобар ин, фақат Олмон нест. Дигар кишварҳо низ дар ин амр нақши худро ифо кардаанд”.

Ба гузориши расонаҳо Иттиҳоди Аврупо пештар эълом карда буд, ки як бастаи кумаки 90 миллиард евроӣ барои Украина ҳамроҳ бо бистумин даври таҳримҳо алайҳи Русияро тасвиб кардааст. Ин иқдом пас аз тағйири Виктор Орбан, нахуствазири собиқи Маҷористон, имконпазир шуд.

Давлати Орбан пештар бо ин бастаи молӣ мухолифат карда буд.

Dialog.tj