Агентии Тоҷикстандарт хабар медиҳад, ки шаҳрвандони кишвар аз бархе маҳсулоти ширкати "Нестле" ба тамғаи NAN истифода набаранд ва онҳое, ки аллакай харидорӣ кардаанд, бозпасгардонанд.

Манбаъ меафзояд, ки тибқи иттилои ширкати истеҳсолкунандаи “Нестле” дар таркиби партияи муайяни маҳсулот ба мисли ғизои кӯдакона зери нишонаҳои:

* NAN 1 OPTIPRO – партияҳои: 51490346AA, 51810346AA, 51910346AA, 52180346AC, 51510346AB, 52190346BA, 52200346BA

* NAN 2 OPTIPRO – партияҳои: 51240017C1, 51240017C2, 51420017C6, 51570017C1, 52800017C2, 52940017C3, 52950017C1, 53130017C1, 53140017C1, 51550017A1, 52920017A1, 53130017A1, 5200167811, 5200167821, 5240167821

* NAN безлактозный – партияи: 51400346AA

* PreNAN – партияи: 52560346AA

* NAN SUPREME 0–12 – партияи: 52790742C1

* NAN Кисломолочный – партияҳои: 51220017A2, 51230017A1 эҳтимолияти вуҷуд доштани токсини сереулид (ин токсин устувори гармӣ буда, ҳатто бо пухтан нобуд намешавад) дар яке аз ҷузъҳо кислотаи арахидонӣ мебошад.

Гуфта мешавад, ки кормандони Нозироти савдои Агентии Тоҷикстандарт бо намояндагони ширкати “Таҷеро”, ки воридкунандаи маҳсулоти мазкур ба кишвар мебошад, миқдори зиёди маҳсулоти мазкурро аз муомилот гирифтанд.

Ҳамчунин, иттилоъ дода мешавад, ки қатъи истифода ва фурӯши маҳсулоти ширкати “Нестле” ба тамғаи “NAN” танҳо ба партияи маҳсулоти зикршуда марбут мебошад. Шаҳрвандон метавонанд аз дигар партияи истеҳсолшудаи ин маҳсулот харидорӣ ва истифода намоянд.

Dialog.tj