РУС ТОҶ
21 Сентябр 2026,
душанбе, 14:36, Душанбе
Диалог. Тоҷикистон ва ҷаҳон
РУС ТОҶ
Тоҷикистон - Русия
18.12.2025 06:13

“Ҳамлаи хусумати миллидошта”. Вазорати корҳои хориҷӣ ба куштори навраси тоҷик дар Русия вокуниш кард

Вазорати корҳои хориҷӣ ҳамлаи хусумати миллидошта ба шаҳрванди Ҷумҳурии Тоҷикистон Алиев Қобилҷон, хонандаи синфи чоруми мактаби миёнаи Успенскии шаҳраки Горки 2-и минтақаи шаҳрии Одинтсовскии вилояти Москваро, ки 16 декабри соли 2025 дар дохили бинои мактаб рух дод ва дар натиҷаи он шаҳрванди мазкур ба таври фоҷиавӣ ба қатл расонида шуд, қатъиян маҳкум менамояд.

Маркази матбуоти вазорат хабар медиҳад, ки дар робита ба чунин вазъ, сафири Федератсияи Русия дар Ҷумҳурии Тоҷикистон С. Григорев ба Вазорати корҳои хориҷӣ даъват шуда, ба ӯ ёддошт бо талаби аз ҷониби Русия фавран, воқеъбинона ва беғаразона гузаронидани тафтишоти ин ҳодисаи фоҷеабор ва ба ҷавобгарии қатъии қонунӣ кашидани ҳамаи ашхоси дар он дастдошта, супорида шуд.

“Ба Сафорати Ҷумҳурии Тоҷикистон дар Федератсияи Русия ҷиҳати мунтазам дар тамос будан бо пайвандони марҳум, инчунин, зери назорат гирифтани масъалаи мазкур дастур дода шудааст”, - менависад манбаъ.

Ҳамчунин, Вазорати корҳои хориҷии Тоҷикистон ба аҳли оила ва пайвандони навраси кушташуда изҳори таслият ва ҳамдардӣ баён кардааст.

Dialog.tj

 

Хатти хабарҳо

Аврупо
21.09.2026 13:20

Италия мехоҳад истифоди “бурқаъ” ва “ниқоб” дар мактабҳоро манъ кунад

Ҷорҷия Мелонӣ, сарвазири Италия гуфт, ки ҳукумат дар нақша дорад пӯшидани рӯй дар мактабҳоро манъ намуда, шумораи хонандагони хориҷӣ ё фарзандони муҳоҷирон дар синфҳоро маҳдуд кунад.
Энергетика
21.09.2026 11:56

Сарвари давлат дар ноҳияи Ашт неругоҳи офтобиро ба истифода доданд

Имрӯз, 21-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар доираи сафари корӣ ба шаҳру ноҳияҳои вилояти Суғд дар шаҳраки Шайдони ноҳияи Ашт неругоҳи офтобиро бо иқтидори 250 мегаватт мавриди истифода қарор доданд.
Ҷомеа
21.09.2026 10:21

Полис ҳушдор дод: нашри рекламаи дурӯғ 5 сол зиндон дар пай хоҳад дошт

Мақомоти полиси Тоҷикистон рӯзи 21-уми сентябр ба шаҳрвандони Тоҷикистон дар бораи паҳн намудани рекламаи бардурӯғ ҳушдор дода, гуфтаанд, ки анҷоми ин амал панҷ сол ҷавобгарии ҷиноятӣ дар пай хоҳад дошт.
Осиёи Марказӣ
21.09.2026 10:14

Созмони ҷаҳонии метеорологӣ ҳушдор дод: пиряхҳои Осиёи Марказӣ бо суръат об мешаванд

Созмони ҷаҳонии метеорологӣ дар гузориши нави худ ҳушдор дод, ки пиряхҳо дар Осиёи Марказӣ бо суръат об мешаванд ва ин раванд боиси коҳиши маҷрои дарёҳо ва таъминоти об дар Осиёи Марказӣ хоҳад шуд.
Вилояти Суғд
21.09.2026 07:29

Пешвои миллат дар ноҳияи Бобоҷон Ғафуров гимназияи хусусии “Ҳаёт”-ро ба истифода доданд

20-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар деҳаи Ҳайдар Усмонови ноҳияи Бобоҷон Ғафуров гимназияи хусусии “Ҳаёт”-ро мавриди истифода қарор доданд.
Сиёсати дохилӣ
21.09.2026 06:27

Президенти кишвар дар Хуҷанд Беморхонаи клиникии кӯдаконаи вилояти Суғдро ифтитоҳ намуданд

20-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни боздиди корӣ аз шаҳру ноҳияҳои вилояти Суғд дар шаҳри Хуҷанд бинои иловагии Беморхонаи клиникии кӯдаконаи вилоятиро мавриди баҳрабардорӣ қарор доданд.
Матолиби ҷолиб дар ВАО
19.09.2026 16:06

“Телеграф”: Эрон метавонад Амрикоро аз Ховари Миёна берун кунад

Дар як мақолаи таҳлилӣ дар рӯзномаи “Телеграф” гуфта мешавад, ки ҳамлаҳои густурдаи Эрон ба пойгоҳҳои Амрико дар Ховари Миёна метавонад ҳузури низомии Амрико дар ин минтақаро зери суол барад. Муаллифи мақолаи таҳлилӣ мегӯяд, Эрон бо ин роҳ метавонад Амрикоро аз минтақаи Ховари Миёна берун кунад.