РУС ТОҶ
15 Ноябр 2026,
якшанбе, 18:25, Душанбе
Диалог. Тоҷикистон ва ҷаҳон
РУС ТОҶ
Осиёи Марказӣ
06.08.2025 17:20

Кишварҳои Осиёи Марказӣ дар Қазоқистон масъалаи омодагӣ ба Саммити 2026 –ро мавриди баррасӣ қарор доданд

Раисони ниҳодҳои ҳифзи муҳити зисти кишварҳои Осиёи Марказӣ дар мулоқоти минтақавие, ки рӯзи 1-уми август дар шаҳри Оқтауи Ҷумҳурии Қазоқистон доир гардид, ширкат намуданд.

Дар ин мулоқот масъалаи омодагӣ ба Саммити экологӣ-минтақавии соли 2026 мавриди баррасӣ қарор гирифт. Дар ин бора Кумитаи ҳифзи муҳити зисти назди Ҳукумати Ҷумҳурии Тоҷикистон хабар додааст.

Дар мулоқоти мазкур роҳбарони ниҳодҳои экологии Тоҷикистон, Қазоқистон ва Ӯзбекистон, муовини вазири захираҳои табиӣ, экология ва назорати техникии Ҷумҳурии Қирғизистон, намояндагони созмонҳои байналмилалӣ, аз ҷумла Ранго Раднарагча, ҳамоҳангсози доимии Созмони Милали Муттаҳид дар Қазоқистон, Катаржина Ваверня, намояндаи доимии Барномаи рушди Созмони Милали Муттаҳид дар Қазоқистон, Дарио Лигутти, директори Кумитаи энергетикаи устувори КЭИК СММ ширкат намуданд.

Дар ҷараёни ҷаласа консепсияи навшудаи Саммити экологии минтақавии соли 2026 муаррифӣ шуд. Ҳамчунин, нақшаи эъломияи муштараки сарони кишварҳои Осиёи Марказӣ оид ба ҳамкории минтақавӣ дар бахши экология ва рушди устувор пешниҳод гардид.

Ҷонибҳо рӯйи усулҳои умумии корӣ созиш намуда ва омодагии худро барои ҳамкории минбаъда тасдиқ намуданд. Ба ташкили рӯйхати ташаббусҳои асосии минтақавӣ, ки метавонанд ба рӯзномаи ҷамъбастии саммит ворид шаванд, таваҷҷуҳи махсус зоҳир карда шуд. Аз ҷумлаи ин ташаббусҳо рушди технологияҳои “сабз” ва инноватсияҳои иқлимӣ, ҳифзи гуногунии биологӣ, барқарорсозии экосистемаҳо, аз ҷумла ҳимояи Баҳри Арал ва пиряхҳо, таҳкими чораҳои мутобиқшавӣ ба тағйирёбии иқлим, идоракунии самарабахши захираҳои обӣ, рушди иқтисоди даврӣ, пешбурди стандартҳои рушди устувор мебошад.

Дар доираи мулоқот намоишгоҳи стартапҳои сабз, ки бо ширкати барномаҳои акселератсияи сабз GCIP Kazakhstan омода шудааст, доир гардид. Дар он лоиҳаҳои инноватсионӣ дар самтҳои самаранокии энергетикӣ, коркарди партовҳо, истифодаи оқилонаи захираҳо ва технологияҳои экологӣ пешниҳод гардиданд.

Ширкаткунандагони чорабинӣ омодагии худро барои кору ҳамкории муштарак дар самти омодагӣ ба Саммити экологӣ, ки баргузории он моҳи апрели соли 2026 дар шаҳри Остона ба нақша гирифта шудааст, тасдиқ намуд.

Dialog.tj

Хатти хабарҳо

Таҳлилҳо
14.11.2026 15:16

“Ирсоли силоҳу техникаи ҳарбӣ ва ҳимояти низомӣ”. Тоҷикистон бо “кулбори пур” ба барчидани таҳдидҳои фаромарзӣ меравад

Бархе ниҳодҳои ҷосусии кишварҳо ба ин натиҷа расидаанд, ки гурӯҳи террористии Толибон ҳанӯз як таҳдиди фаромарзӣ ва барои амнияту субот дар Осиёи Марказӣ метавонанд хатарофарин бошанд. Ин нигаронӣ аз он ҷо сарчашма мегирад, ки дар таркиби гурӯҳҳои террористии Толибон мухолифони деринаи ҳукуматҳои Осиёи Марказӣ, исломгароёни тундрав ва террористӣ ҳузур доранд.
Кишоварзӣ
14.11.2026 13:55

Тоҷикистон ва Малайзия ҳамкориҳоро дар соҳаи кишоварзӣ густариш медиҳанд

Душанбе ва Куала-Лумпур ният доранд ҳамкориҳоро дар бахшҳои обёрӣ, механикакунонии кишоварзӣ ва чорвопарварӣ густариш диҳанд. Ин масъала дар ҷараёни мулоқоти сафири Тоҷикистон дар Малайзия Ардашер Қодирӣ бо вазири кишоварзӣ ва амнияти озуқавории ин кишвар Муҳаммад Сабу баррасӣ шудааст.
Аврупо ва Америка
14.11.2026 09:36

Мушкили техникӣ дар фурудгоҳҳои Амрико садҳо хатсайри ҳавоиро аз парвоз боз дошт

Мушкилоти техникӣ дар низоми иртиботии ҳаракати ҳавопаймоҳо дар Иёлоти Муттаҳидаи Амрико дар фаъолияти фурудгоҳҳо мушкилот ба вуҷуд оварда, боиси лағви парвозҳо шудааст. Ин мушкил парвозҳои ҳазорон хатсайри ҳавоиро ба таъхир гузоштааст.
Иқтисод
14.11.2026 08:28

Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”

Роберто Кардарелли, муовини директори Департаменти Ховари Миёна ва Осиёи Марказии Хазинаи байналмилалии асъор мегӯяд, ки вазъи қарзи давлатӣ ва муомилоти хориҷии Ҷумҳурии Тоҷикистон дар ҳоли ҳозир устувор аст ва бо ин далел, ба гирифтани қарз аз Хазинаи байналмилалии асъор ниёз надорад.
Энергетика
13.11.2026 18:05

Тоҷикистон барои ҳамгироӣ ба низоми энергетикии Осиёи Марказӣ талош дорад

Ҷумҳурии Тоҷикистон ҳадаф дорад ҳамкориҳоро бо кишварҳои минтақа дар соҳаи энергетика густариш дода, низоми барқи худро ба шабакаи ягонаи энергетикии Осиёи Марказӣ пайваст намояд. Рушди хатҳои интиқоли неруи барқ ва таҷдиди инфрасохтори мавҷудуда аз вазифаҳои асосӣ дар ин самт мебошад.
Молия
13.11.2026 18:01

Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад

Ширкати қазоқистонии истихроҷи тилло «Solidcore Resources» тасмим гирифтааст, ки бо Сарраёсати геологияи Ҷумҳурии Тоҷикистон корҳои иктишофиро барои пайдо намудани конҳои металлҳои қимматбаҳо дар Тоҷикистон оғоз кунад. Ҷониби Тоҷикистон бо ин ширкати қазоқӣ шартномаи панҷсоларо ба имзо расонд.
Нақлиёт
13.11.2026 16:00

Shohin Airlines ба чор минтақаи кишвар парвозҳои мунтазамро ба роҳ мемонад

АМИТ «Ховар» бо такя ба маълумоти Ширкати ҳавопаймоии Shohin Airlines хабар дод, ки парвозҳои мунтазами дохили дар самти Душанбе – Хоруғ, Душанбе – Хуҷанд, Душанбе – Бохтар ва Душанбе – Кӯлоб ба роҳ монда мешавад.
Сиёсати хориҷӣ
13.11.2026 15:33

Вазири корҳои хориҷӣ нусхаи эътимодномаи сафири Ветнам дар Тоҷикистонро қабул кард

Имрӯз, 13-уми ноябр вазири корҳои хориҷии Ҷумҳурии Тоҷикистон Сироҷиддин Муҳриддин сафири Фавқулода ва Мухтори Ҷумҳурии Сотсиалистии Ветнам дар Ҷумҳурии Тоҷикистон Нгуен Тхань Леро ба муносибати супоридани нусхаи эътимоднома қабул кард.