Вячеслав Володин, раиси Думаи давлатии Русия эълон намуд, ки Дума дар ҳафтаи ҷорӣ баррасии қонун дар бораи назорат аз болои фарзандони муҳоҷиронро баррасӣ менамояд. Дар ин хусус расонаҳои Русия хабар доданд.

Бар асоси лоиҳаи қонуни нав мақомоти минтақавӣ ва маҳаллии соҳаи маориф вазифадор мешаванд, ки ба Вазорати корҳои дохилии ФР ҳуҷҷатҳои маълумоти шахсии кӯдак ва падару модараш, натиҷаҳои имтиҳони забони русӣ, маълумот дар бораи қабул ва хориҷ шудан аз муассисаҳои таълимӣ, муроҷиатҳои шахсони хориҷие, ки дар феҳристи шахсони зери назорат қарор дорандро пешниҳод намоянд.

Ҳамчунин, Вазорати корҳои дохилии Федератсияи Русия вазифадор мешавад, ки бақайдгирии муҳоҷиратии кӯдакони шаҳрвандони хориҷиро ба мақомоти маориф ирсол кунад.

Ба гуфтаи Вячеслав Володин чунин механизм имкон медиҳад, ки миёни ниҳодҳои давлатӣ муомилаи саривақтӣ ва муассир дар хусуси мақоми ҳуқуқии фарзандон ва волидайни онҳо таъмин шавад. Ин меъёр дар оянда ба тасмимгирии мақомоти давлатӣ метавонад таъсир гузорад.

Дар лоиҳаи қонуни нав ҳамчунин, ворид намудани натиҷаҳои имтиҳони забони русии ҳамаи шаҳрвандони хориҷӣ ба низоми иттилооти федералӣ пешбинӣ шудааст

Ёдовар мешавем, ки қаблан қабули кӯдакони муҳоҷирон ба мактбаҳои Русия бидуни донистани забони русӣ ва мақоми қонунии ҳуқуқи истиқоматӣ манъ шуда буд.

Раиси Думаи давлатии Федератсияи Русия таъкид намуд, ки қоидаҳои нав натиҷаҳои мусбат дар пай хоҳанд дошт. Бар асоси омор дар ду моҳи аввал аз миёни 2868 довталаб фақат 498 нафар (17%) ба имтиҳон роҳ ёфтанд ва фақат 4% -и хоҳишмандон ба мактаб пазируфта шуданд.

Dialog.tj