РУС ТОҶ
10 Июл 2025,
панҷшанбе, 16:33, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
02.06.2025 11:44

Душанбе ва Урумчӣ масоили ҳамкориҳои дуҷонибаро баррасӣ карданд

Муовини аввали раиси шаҳри Душанбе Бахтиёр Шарифӣ бо муовини Котиби кумитаи ҳизбии вилояти мухтори Синҷон - Уйғури Ҷумҳурии Мардумии Чин, ки бо сафари расмӣ ба шаҳри Душанба омадааст, мулоқот намуда, масоили ҳамкориҳои дуҷонибаро баррасӣ намуд.

Дар ин хусус дафтари матбуоти раиси шаҳри Душанбе хабар дода, афзуд, ки дар ҷараёни мулоқот ҷонибҳо вазъи кунунӣ ва дурнамои рушди ҳамкориҳо миёни мақомоти иҷроияи ҳокимияти давлатии шаҳри Душанбе ва вилояти мухтори Синҷон-Уйғури Ҷумҳурии Мардумии Чин ва ҳамчунин, масъалаи муносибатҳои бародаршаҳрӣ бо шаҳри Урумчиро баррасӣ карданд.

Дар ҷараёни мулоқот ҷонибҳо раванди рушди бомуваффақияти муносибатҳои дуҷонибаро қаноатманд номида, азму иродаи худ барои рушди ҳамкориҳо дар самтҳои гуногун, ки барои ҳар ду ҷониб судманд аст, таъкид карданд.

Ба таҳкими ҳамкориҳо дар соҳаҳои илму технология, фарҳанг, сиёсати ҷавонону варзиш, тандурустӣ, сайёҳӣ ва таъсиси корхонаҳои муштараки истеҳсолӣ ва рушди кишоварзӣ таваҷҷуҳи махсус зоҳир карда шуд.

Дар ҷараёни мулоқот масъалаҳои рақамисозии иқтисодиёт, такмил додани идоракунии шаҳр ва фаъолсозии мубодилоти ҳайатҳоро мавриди баррасӣ қарор доданд.

Ёдовар мешавем, ки муносибатҳои бародаршаҳрӣ миёни Душанбе ва Урумчӣ 10-уми сентябри соли 1999 барқарор гардид ва дар тӯли солҳо соҳаҳои мухталиферо фаро гирифта, боиси таҳкими дӯстиву тафоҳуми дуҷониба гардид.

Dialog.tj

Хатти хабарҳо

Афғонистон
10.07.2025 15:34

Тим Бурчет: “Амрико дар ҳар ҳафта ба Толибон 20 миллион доллар пул мефиристад”

Дар идомаи интиқодҳо аз сиёсатҳои Иёлоти Муттаҳида дар қиболи Афғонистон Тим Бурчет, намояндаи Ҷумҳурихоҳони Конгресси Амрико аз кумакҳои молии доимии Вашингтон ба гурӯҳи террористии Толибон парда бардошт. Ӯ эълон кард, ки давлати Амрико ҳар ҳафта 40 миллион доллар ба Толибон ирсол мекунад. Рақаме, ки ба гуфати ӯ, дар маҷмуъ то кунун ба тақрибан 5 миллиард доллар расидааст.
Қазоқистон
10.07.2025 15:20

Қазоқистон мехоҳад ба маркази блокчейни Осиёи Марказӣ табдил ёбад

Бонки миллии Қазоқистон бо ташаббуси яксилсила сиёсати нав ба дунболи табдили Қазоқистон ба қутби блокчейн дар Осиёи Марказӣ аст. Ин иқдом дар чорчӯби ташаккули захираи миллии дороиҳои рақамӣ, ки дорои криптовалютҳои мусодирашуда ва истихроҷшуда аз сӯи давлат хоҳад буд, рӯи даст гирифта шудааст.
Матолиби ҷолиб дар ВАО
10.07.2025 15:05

CNN: Трамп таҳдид кардааст, ки Маскав ва Пекинро бомбаборон мекунад

Шабакаи телевизионии “CNN” ба сабти аудиое дастрасӣ пайдо кардааст, ки дар он Доналд Трамп, президенти Амрико дар як ҳамоиши ҷамъоварии маблағ барои интихоботи соли 2024 мегӯяд, ки дар сурати ҳамлаи Русия ба Киев омода аст, Маскавро мавриди ҳамлаи ҳавоӣ қарор диҳад. Ӯ гуфтааст, ин таҳдидро шахсан ба Владимир Путин расонида буд.
Ҷаҳон
10.07.2025 11:19

БРИКС низоми якқутбии Ғарбро бо низоми бисёрқутбии одилона иваз мекунад

Дар пойтахти Бразилия Саммити солонаи БРИКС бо ширкати роҳбарони кишварҳои аъзо ва кишварҳои нозир доир гардид. Ин нишаст, ки дар фазои тантанавӣ ва пур аз мубоҳисаҳои муҳим сурат гирифт, ба баррасии масъалаҳои иқтисодии ҷаҳонӣ, ҳамкориҳои минтақавӣ ва мубориза бо таҳдидҳои муосир, аз қабили тағйироти иқлим ва амнияти байналмилалӣ бахшида шуд. Суханронии роҳбарони кишварҳо, аз ҷумла президентҳои Русия, Чин, Бразилия ва намояндагони Ироқ, ки ба ҳайси узви нозир ширкат доштанд, мавзуъҳои калидии рӯзномаи ҷаҳониро рӯшан намуданд.
Энергетика
10.07.2025 11:04

Эмомалӣ Раҳмон ва Садир Жапаров дар Форуми иқтисодӣ ва сармоягузорӣ ба рушди “иқтисоди сабз” ва гидроэнергетика таъкид карданд

Дар доираи сафари давлатии Президенти Ҷумҳурии Қирғизистон ба Тоҷикистон дар шаҳри Душанбе Форуми иқтисодӣ ва сармоягузории Тоҷикистону Қирғизистон доир гардид. Дар ин ҳамоиш сарони ду кишвар – Эмомалӣ Раҳмон ва Садир Жапаров ширкат намуда, дар ҳузури доираҳои соҳибкорию сармоягузорӣ суханронӣ намуданд.
Афғонистон
10.07.2025 10:55

Толибон аз Қазоқистон хост ин гурӯҳро ба расмият шиносад

Сафири гурӯҳи террористии Толибон дар Остона Муҳаммад Раҳмон дар мулоқот бо намояндаи хоси президенти Қазоқистон Эркин Туркумов хост, ки ба мисли Федератсияи Русия ин гурӯҳро ба расмият шиносанд.
Тоҷикистон-Эрон
10.07.2025 10:45

Тоҷикистону Эрон масъалаҳои муҳоҷират ва ҳамкории консулиро баррасӣ карданд

Дар пойтахти Ҷумҳурии Исломии Эрон шаҳри Теҳрон мулоқоти Сафири фавқулода ва мухтори Ҷумҳурии Тоҷикистон дар Эрон Низомиддин Зоҳидӣ бо муовини Вазири корҳои хориҷии Эрон дар умури консулӣ Ваҳид Ҷалолзода доир гардид.
Шарқи Наздик
10.07.2025 10:41

Ҳамос бо озод кардани 10 асири исроилӣ барои оғози музокирот розӣ шудааст

Ҳаракати муқовимати исломии Ҳамос эълон кард, ки барои суръат бахшидан ба ҷараёни музокироти сулҳ ва ба ҳадаф расонидани кӯшишҳои байналмилалӣ ба озод кардани 10 асири исроилӣ омода аст.
Нақлиёти роҳи оҳан
10.07.2025 07:29

Тоҷикистон расман хостори пайвастан ба лоиҳаи роҳи оҳани Чин-Қирғизистон-Ӯзбекистон шуд

Ҷумҳурии Тоҷикистон ба таври расмӣ хоҳиши пайвастан ба лоиҳаи стратегии роҳи оҳани Чин-Қирғизистон-Ӯзбекистонро иброз доштааст. Ин иқдом, ки ҳадафаш густариши ҳамбастагии нақлиётӣ миёни Осиёи Марказӣ ва Ҷанубӣ аст, дар ҳошияи нишасти вазирони нақлиёти кишварҳои узви Созмони ҳамкории Шанхай дар шаҳри Тянҷини Чин матраҳ гардид.
Тоҷикистон-Қирғизистон
10.07.2025 06:14

Рустами Эмомалӣ ва Садир Жапаров дар бораи ҳамкориҳои байнипарлумонӣ ва фарҳангӣ гуфтугӯ намуданд

Рустами Эмомалӣ, раиси Маҷлиси миллии Маҷлиси Олии Ҷумҳурии Тоҷикистон ва раиси шаҳри Душанбе дар мулоқоти расмӣ бо президенти Ҷумҳурии Қирғизистон муҳтарам Садир Жапаров, ки бо сафари давлатӣ дар Тоҷикистон қарор дорад, масъалаҳои калидии робитаҳои дуҷониба ва ҳамкорӣ миёни ду миллатро баррасӣ намуданд.
Матолиби ҷолиб дар ВАО
09.07.2025 13:39

Масъуд Пизишкиён: “Нетаняҳу кӯдакону занонро мекушад”

Такер Карлсон: - Ба назар мерасад, ки ҳоло танаффусе дар даргирии миёни Ҷумҳурии Исломии Эрон ва Иёлоти Муттаҳидаи Амрико ба вуҷуд омадааст. Ба назари Шумо, ин вазъият дар ниҳоят чӣ гуна ба поён хоҳад расид? Ва Шумо мехоҳед, ки ин даргирӣ чӣ гуна хатм шавад?