Қазоқистон дар миёни се шарики бузурги тиҷоратии Тоҷикистон қарор гирифт
Аз амнияти минтақа то масъалаи муҳоҷират. Сарони Тоҷикистону Русия мулоқот намуданд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд
Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
Дмитрий Песков, сухангӯи Кремл гуфтааст, ки Эмомалӣ Раҳмон дар бораи вазъи марз ба Путин маълумот дод. Ба гуфтаи ӯ, бо вуҷуди нигоҳ доштани сатҳи муайяни субот дар минтақа, ҳодисаҳои амниятӣ рух медиҳанд ва фаъолияти қочоқбарон идома дорад.
Дмитрий Песков ҳамчунин, ба фаъолияти гурӯҳҳое ишора кардааст, ки тавассути марз маводи мухаддир интиқол медиҳанд. Ӯ зарурати ҳамкории мақомоти марзбонӣ ва хадамоти махсуси Русияву Тоҷикистонро барои муқовимат бо ин таҳдидҳо таъкид кардааст.
Дафтари раиси ҷумҳури Тоҷикистон хабар додааст, ки дар дидори ду роҳбар масъалаҳои амнияти минтақавӣ, аз ҷумла мубориза бо терроризм, ифротгароӣ, таҳдидҳои киберӣ ва гардиши ғайриқонунии маводи мухаддир баррасӣ шудаанд.
Владимир Путин пеш аз сафар ба Душанбе гуфта буд, ки вазъи Афғонистон ва фаъолияти Пойгоҳи низомии 201-уми Русия дар Тоҷикистон аз мавзуъҳои асосии музокирот хоҳанд буд.
Ба гуфтаи раиси ҷумҳури Русия, ҳайати ҳукумати ин кишвар бо роҳбарии муовини сарвазир Алексей Оверчук чанде пеш ба Афғонистон сафар карда, масъалаҳои ҳамкориҳои эҳтимолиро баррасӣ намудааст. Путин изҳор дошта буд, ки мехоҳад Эмомалӣ Раҳмонро аз натиҷаҳои ин сафар ва дурнамои ҳамкорӣ бо Афғонистон огоҳ кунад.
Мулоқоти Душанбе дуюмин дидори Эмомалӣ Раҳмон ва Владимир Путин дар моҳи ноябр буд. Роҳбари Тоҷикистон чанде пеш барои иштирок дар нишасти Созмони аҳдномаи амнияти дастаҷамъӣ (СААД) ба Маскав рафта, дар он ҷо низ бо раиси ҷумҳури Русия мулоқот карда буд.
Dialog.tj
Хатти хабарҳо
Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд
Қазоқистон дар миёни се шарики бузурги тиҷоратии Тоҷикистон қарор гирифт
Ҳунарманди тоҷик дар фестивали байналмилалии «VIVA AZERBAIJAN» соҳиби ҷойи аввал шуд
Ҳамкории Тоҷикистону Швейтсария дар соҳаи сайёҳӣ рушд мекунад