Духтари узви ҳукумати Бенямин Натаняҳу, вазири тундрави исроилӣ Струк Орит бо нашри наворе фош кард, ки дар замони кӯдакӣ аз ҷониби падар ва модараш солҳои тӯлонӣ ба таври даҳшатнок ва ҳуҷҷатӣ мавриди озору азият ва таҷовузи ҷинсӣ қарор мегирифт.

Шаби 12-уми апрел телевизиони Исроил дар як гузориш гуфт, ки духтари яке аз шахсиятҳои шинохтаи давлатӣ аз волидайни худ бо иттиҳоми таҷовузи ҷинсӣ ба додгоҳ шикоят кард.

Дар ибтидо, додгоҳ иҷозаи нашри номи шикояткунанда ва падару модарашро ошкор накард. Вале, баъди як рӯз, расонаҳои исроилӣ гуфтанд, ки Шошона Струк, духтари вазири шаҳраксозии Исроил баъди фирор ба хориҷи Исроил дар шабакаҳои иҷтимоӣ даст ба ифшо зада, падару модарашро ба таҷовузи ҷинсӣ ва сабт намудани ин амал муттаҳам кард.

Расонаҳои исроилӣ навиштанд, ки Шошона Струк дар паёми видеоии худ гуфт: “Мехоҳам як сирро бо шумо дар миён гузорам, ки солҳо маҷбур будам онро пинҳон нигаҳ дорам. Ман аз кӯдакӣ аз сӯйи волидайнам, махсусан, падарам мавриди таҷовуз қарор мегирифтам”.

Модари Шошана, яъне Струк Орит, узви Ҳизби ростгарои Қудрати яҳудӣ ва тарафдори ашадии сохтмони шаҳракҳои ғайриқонунии яҳудӣ дар Каронаи Бохтарӣ аст. Ӯ борҳо пешниҳод карда буд, ки сарзамини Байтулмуқаддаси Шарқӣ ба қаламрави Исроил ҳамроҳ карда шавад. Ӯ дар моҳи феврали соли 2024 дар суханронии худ дар парлумони Исроил гуфта буд, ки “чизе бо номи Фаластин вуҷуд надорад”.

Тибқи гузоришҳо Шошона Струк дар Италия қарор дорад ва умедвор аст, ки ҷои амне барои зиндагӣ пайдо мекунад.

Dialog.tj