РУС ТОҶ
18 Июл 2025,
ҷумъа, 00:05, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
08.04.2025 10:18

Раҳимзода тоҷирони арабро барои ширкат дар форуми “Душанбе – инвест - 2025” даъват намуд

Дар шаҳри Абу-Забӣ мулоқоти намояндагони Ҳукумати Ҷумҳурии Тоҷикистон ва Ҳукумати Аморати Муттаҳидаи Арабӣ баргузор гардид. Султон Раҳимзода, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо Танӣ бин Аҳмад Ал-Зайюдӣ, вазири давлатии савдои берунаи Аморати Муттаҳидаи Араб масъалаи ҳамкориҳои иқтисодӣ ва сармоягузориро баррасӣ намуданд.

Кумитаи давлатии сармоягузорӣ ва идораи амволи давлатии Тоҷикистон хабар дод, ки дар ин мулоқот ҷонибҳо масъалаҳои вобаста ба таҳкими ҳамкории дуҷониба дар самти сармоягузорӣ, савдо ва татбиқи лоиҳаҳои муштаракро мавриди баррасӣ қарор доданд.

Ҷонибҳо аҳамияти рушди ҳамкорӣ дар соҳаҳои саноат, энергетика, нақлиёт, логистика, кишоварзӣ ва технологияҳои муосирро махсус таъкид намуданд. Ҳар ду тараф омодагии худро барои таҳкими робитаҳои тиҷоратӣ, ҷалби сармоя, аз ҷумла ба воситаи платформаҳои шарикии стратегӣ ва ширкатҳои сармоягузории Аморат изҳор намуданд.

Султон Раҳимзода тоҷирони Аморати Муттаҳидаи Арабро барои ширкат дар форуми “Душанбе-инвест -2025” даъват намуд. Форуми мазкур моҳи октябри соли ҷорӣ дар шаҳри Душанбе баргузор хоҳад шуд.

Хатти хабарҳо

Маъориф
17.07.2025 16:15

Давраи мутобиқшавӣ. Синфи якум чӣ гуна имсол ба мактаб меравад?

Тавре ки маркази матбуоти Вазорати маориф ва илми Ҷумҳурии Тоҷикистон хабар медиҳад, имсол хонандагони синфи якум аз 18-ум то 29-уми август ба мактабҳо ҷалб шуда, аз давраи мутобиқшавӣ мегузаранд.
Иқтисод
17.07.2025 15:38

Тоҷикистон ва Амороти Муттаҳидаи Арабӣ ҳамкориҳои иқтисодӣ ва сармоягузориро баррасӣ карданд

Завқизода Завқӣ, вазири рушди иқтисод ва савдои Ҷумҳурии Тоҷикистон рӯзи 16-уми июл бо Абдулло ибни Тавқ Ал-Маррӣ, вазири иқтисод ва сайёҳии Аморати Муттаҳидаи Араб мулоқот анҷом дод. Дар ин мулоқот, ки дар доираи густариши робитаҳои дуҷониба доир шуд, ҷонибҳо масоили рушди ҳамкориҳои иқтисодӣ ва ҷалби сармоягузорӣ миёни ду кишварро баррасӣ карданд.
Эрон
17.07.2025 13:41

Хоманаӣ: "Эрон аз Амрико наметарсад ва онро ба тарс водор кардааст"

Оятуллоҳ Хоманаӣ, роҳбари олии Эрон дар мулоқот бо раиси Суди олии Эрон ва масъулони аршади низоми судии ин кишвар доир ба ҷанги таҳмилии ахир ва ноком шудани ҳисобу нақшаҳои таҷовузкорон ба ваҳдати бузурги миллати Эрон ишора намуда, таъкид кард, ки вазифаи ҳамаи афрод ҳифзи ваҳдати миллӣ аст.
Вилояти Суғд
17.07.2025 11:47

Ифтитоҳи 84 корхонаи нав дар вилояти Суғд. 536 ҷойи нави корӣ таъсис ёфт

Ба истиқболи ҷашни 35-солагии Истиқлоли давлатии Ҷумҳурии Тоҷикистон дар вилояти Суғд дар шашмоҳаи аввали соли 2025 84 корхонаи нави истеҳсолӣ ба истифода дода шуд. Бар асоси иттилои мақомоти вилояти Суғд, бо фаъол гардидани ин корхона 536 ҷойи нави корӣ таъсис ёфтааст.
Шарқи Наздик
17.07.2025 10:55

Исроил Ситоди артиши Сурияро бомбаборон кард

Шаби гузашта Неруҳои ҳавоии Исроил яксилсила зарбаҳои ҳавоиро бо мақсадҳои мухталиф дар қаламрави Сурия, аз ҷумла ба бинои Ситоди генералии артиши Сурия дар маркази шаҳри Димишқ анҷом доданд. Тибқи иттилои расонаҳои исроиливу суриягӣ лаҳзаи як таркиш дар пахши мустақими телевизиони давлатии Сурия сабт шудааст. Таркиши шадид дар маркази пойтахти Сурия дар навор дида мешавад.
Сиёсати хориҷӣ
17.07.2025 09:24

Сироҷиддин Муҳриддин дар ҷаласаи Созмони ҳамкории Шанхай ширкат намуд

Рӯзҳои 14-15-уми июли соли 2025 Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи Шурои вазирони корҳои хориҷии кишварҳои аъзои Созмони ҳамкории Шанхай, ки дар шаҳри Тянҷини Ҷумҳурии Мардумии Чин доир гардид, иштирок намуд. Дар ин бора хадамоти матбуоти Вазорати корҳои хориҷии Тоҷикистон хабар медиҳад.