Мақомоти Ҷумҳурии Тоҷикистон ва Ҷумҳурии Ӯзбекистон тасмим гирифтаанд, ки барои таҳкими дӯстӣ ва шарикии стратегӣ дар шаҳри Душанбе “Боғи дӯстӣ” –и муштарак бунёд кунанд.

Мақомоти ду кишвар зимни баррасии лоиҳаи боғ таъкид кардаанд, ки бунёди “Боғи дӯстӣ” на танҳо рамзи муносибатҳои бародаронаи ду кишвар аст, балки нақши муҳим дар беҳ шудани фазои экологии минтақа ва рушди соҳаи кишварзӣ иҷро мекунад.

Ҳафтае қабл директори Агентии рушди агросаноатии Ӯзбекистон ба Тоҷикистон сафар кард. Ӯ дар ин сафар бо муовини Вазири кишоварзии Тоҷикистон Асозода Нуралӣ Маҳмадулло мулоқот намуда, оид ба нақшакашӣ ва амалӣ намудани лоиҳаи “Боғи дӯстӣ” гуфтугӯ намуд. Ҳар ду ҷониб ҳавасмандии худро барои бунёди боғ нишон доданд.

Дар ҷараёни мулоқот ҷонибҳо ҷузъиёти “Боғи дӯстӣ”-ро баррасӣ карда, ба созиш расиданд, ки барои амалӣ намудани лоиҳа чораҳои мушаххас андешанд. Мақомоти ҳар ду кишвар аз қитъаи ҷудошуда барои бунёди боғ боздид намуда, марҳилаи аввали иҷро намудани лоиҳаи бунёди онро баррасӣ карданд. Дар ин мулоқот супоришҳои муҳим барои амалӣ намудани лоиҳа дода шуд.

Гуфта мешавад, иқдоми мазкур барои баланд бардоштани самаранокии ҳамкориҳои кишоварзии ду кишвар мусоидат мекунад.

Dialog.tj