Роҳбари калисои католикӣ Попи Рум Леои XIV аз ҷавонон даъват кардааст, ки муваффақиятро фақат бо сарват, шуҳрат ё маъруфият дар шабакаҳои иҷтимоӣ насанҷанд.

Леои XIV дар ин бора рӯзи 11-уми ноябр дар маросими шабонаи ёдбуд дар Аргентина изҳори назар кард. Дар ин чорабинӣ тақрибан 1 миллион нафар гирди ҳам омада буданд.

Попи Рум дар суханронии худ ҷавононро аз пайравӣ аз он чизе, ки ба гуфтаи ӯ, «бутҳои замони муосир» мебошанд, аз ҷумла муваффақияти зоҳирӣ ва зебоии ҷисмонӣ, ҳушдор додааст. Ӯ аз рафтори баъзе ҷавонон дар шабакаҳои иҷтимоӣ низ изҳори нигаронӣ карда, гуфтааст, ки бархе барои ба даст овардани маъруфият ба дурӯғгӯӣ, хиёнат ба дигарон ва таҳқири онҳо даст мезананд.

«Дар баробари чизе, ки наметавонад ба шумо ҳаёт бахшад, сар хам накунед», — таъкид кардааст Леои XIV.

Сафари 12-рӯзаи Попи Рум ба Амрикои Ҷанубӣ нахустин сафари ӯ ба Аргентина ба шумор меравад. Ӯ аввалин раҳбари калисои католикӣ аст, ки пас аз соли 1987 ба ин кишвар сафар мекунад. Аргентина аз ҷумлаи кишварҳои дорои аксарияти аҳолии католикӣ мебошад.

Dialog.tj