Барак Обама, раисҷумҳури пешини Амрико, пас аз пирӯзии демократҳо гуфтааст, ки мардуми ин кишвар хостори сиёсате ҳастанд, ки ба ҷойи тафриқаангезӣ, заминаи ҳамбастагиро фароҳам созад.

Обама рӯзи сешанбе, 3-юми ноябр, дар шабакаи иҷтимоии “Х” навишт, ки демократҳо акнун бояд барои эҷоди тағйирот ва пешгирӣ аз зарарҳои бештар, дар бахшҳое, ки қудрат доранд, иқдом кунанд.

Ӯ афзудааст, ки натиҷаҳои интихобот нишон доданд, мардуми Амрико хостори роҳбароне ҳастанд, ки барои мушкилот ва чолишҳои онҳо роҳҳалҳои амалӣ пайдо кунанд.

Обама дар ҳафтаи охири маъракаи интихоботӣ низ аз чанд номзади демократ ҳимоят карда, дар суханрониҳояш борҳо аз Доналд Трамп, раиси ҷумҳури Амрико ва ҳукумати ӯ интиқод кард.

Натиҷаҳои интихоботи миёндавраии Амрико нишон медиҳанд, ки демократҳо назорати ҳар ду палатаи Конгресс, яъне Сенат ва Маҷлиси намояндагонро ба даст хоҳанд гирифт.

Dialog.tj