РУС ТОҶ
4 Ноябр 2026,
чоршанбе, 13:21, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
04.11.2026 10:09

Суханронии сафири Тоҷикистон бо забони урду соҳибкорони покистониро ба ваҷд овард

Суханронии Шарифзода Юсуф Тоир, сафири Ҷумҳурии Тоҷикистон дар Ҷумҳурии Исломии Покистон бо забони урду дар ҷараёни боздид аз Палатаи савдо ва саноати шаҳри Файсалободи Покистон таваҷҷуҳи соҳибкорони ин минтақаро ҷалб кард.

Сафири Тоҷикистон ва масъулони Палатаи савдо ва саноати шаҳри Файсалободи Покистон зарурати густариши ҳамкориҳои иқтисодӣ, тиҷоратӣ ва фарҳангии Тоҷикистон ва Покистонро баррасӣ намуданд.

Дар ин бора, рӯзномаи “Европа тудей” (The Europe Today” рӯзи 3-юми ноябри соли 2026 хабар дода, навишт, ки сафири Тоҷикистонро намояндагони Палатаи савдо ва саноати Покистон истиқбол намуда, талошҳояш барои таҳкими робитаҳои ду кишвар ба воситаи ҳамкориҳои фарҳангӣ, иқтисодӣ ва дипломатиро қадр намуданд.

Юсуф Малик, узви иҷроияи Палатаи савдо ва саноати шаҳри Файсалободи Покистон дар ҷараёни суханронӣ аз сафири Тоҷикистон барои боздид аз ин ниҳод изҳори сипос намуда, ӯро на фақат намояндаи дипломатии Тоҷикистон, балки “сафири дӯстии ду миллат” номид.

Юсуф Малик таъкид намуд, суханронии Шарифзода Юсуф Тоир бо забони урду, ки забони миллии Покистон аст, ба намояндагони ҷомеаи соҳибкорони Покистон таъсири мусбат гузоштааст. Ӯ ин иқдоми сафири Тоҷикистонро нишонаи эҳтиром ба фарҳанги Покистон ва робитаҳои таърихӣ, динӣ ва забонии мардумони ду кишвар арзёбӣ намуд.

Дар ҷараёни боздид ва мулоқоти дуҷониба масъалаҳои мавриди таваҷҷуҳи муштараки соҳибкорон, мушкилоти мавҷуда ва роҳҳои истифодаи имкониятҳои нави ҳамкории дуҷониба баррасӣ шудаанд.

Шарифзода Юсуф Тоир Тоҷикистонро яке аз дарвозаҳои муҳимми Покистон ба Осиёи Марказӣ номид ва таъкид намуд, ки Покистон дар навбати худ метавонад барои Тоҷикистон ба воситаи бандари Гвадар ба Баҳри Араб роҳ кушояд.

Сафири Тоҷикистон таъкид намуд, ки мавқеияти географӣ ва манфиатҳои иқтисодии мутақобили ду кишвар барои рушди тиҷорат, ҷалби сармоя ва густариши ҳамкориҳои минтақавӣ имкониятҳои назаррас фароҳам мекунанд.

Ҳамчунин, Юсуф Малик изҳори итминон намуд, ки тақвияти ҳамкориҳои Тоҷикистон ва Покистон метавонад бартариҳои географии ду кишварро ба имкониятҳои воқеии иқтисодӣ табдил диҳад ва ба соҳибкорону аҳолии ҳар ду кишвар манфиат расонад.

Dialog.tj

Хатти хабарҳо

Аврупо ва Америка
04.11.2026 10:53

Ҷанги зидди Эрон мавқеи Трампро дар Конгресси ИМА заиф кард

Ҳизби демократии ИМА дар натиҷаи охирини интихоботи миёндавраӣ бо ба даст овардани 51 курсӣ назорати Сенатро аз ҷумҳурихоҳон гирифт. Ҳамзамон, демократҳо дар Маҷлиси намояндагон низ бартарии худро афзоиш дода, дар интихоботи ҳокимони иёлатҳо пешсаф шуданд. Ин натиҷаҳо мавқеи сиёсии ҳукумати Доналд Трампро дар Конгресси ИМА бо мушкилоти ҷиддӣ рӯбарӯ мекунанд.
Афғонистон
04.11.2026 10:27

Занони ниёзманд дар Ҳилманди Афғонистон: Толибон на иҷозаи кор медиҳанду на талбандагӣ

Теъдоде аз занон дар Ҳилманди Афғонистон, ки сарпарастии хонаводаҳои худро бар дӯш доранд, мегӯянд, гурӯҳи террористии Толибон на ба онҳо иҷозаи кор медиҳанд ва на мегузоранд, ки гадоӣ кунанд.
Сиёсати хориҷӣ
04.11.2026 10:09

Суханронии сафири Тоҷикистон бо забони урду соҳибкорони покистониро ба ваҷд овард

Суханронии Шарифзода Юсуф Тоир, сафири Ҷумҳурии Тоҷикистон дар Ҷумҳурии Исломии Покистон бо забони урду дар ҷараёни боздид аз Палатаи савдо ва саноати шаҳри Файсалободи Покистон таваҷҷуҳи соҳибкорони ин минтақаро ҷалб кард.
Вилояти Суғд
04.11.2026 08:30

Ба 170 тарбиятгирандаи мактаб-интернати Истаравшан туҳфаҳои Президенти кишвар расид

Бинобар иттилои маркази матбуоти Вазорати маориф ва илми Ҷумҳурии Тоҷикистон, 2-юми ноябр дар Маҷмааи миллии соҳибкории "Роҳи Абрешим"'-и шаҳри Истаравшан аз номи Пешвои миллат муҳтарам Эмомалӣ Раҳмон ба 170 нафар тарбиятгирандаи мактаб-интернати шаҳри Истаравшан туҳфа супорида шуд.
Эрон
03.11.2026 13:57

Артиши Эрон ҳушдор дод: агар Амрико ҳамла кунад, посухи Эрон аз Ғарби Осиё фаротар меравад

Муҳаммад Акраминиё, сухангӯи артиши Ҷумҳурии Исломии Эрон гуфт, дар сурати ҳамлаи дубораи Иёлоти Муттаҳидаи Амрико Эрон бо вокуниши фаврӣ, шадидтар ва густурдатар аз гузашта посух хоҳад дод.
Молия
03.11.2026 13:49

Сафири Тоҷикистон хостори густариши сармоягузории Покистон дар Тоҷикистон шуд

Шарифзода Юсуф Тоир, Сафири Тоҷикистон дар Покистон дар суҳбат бо расонаҳои покистонӣ хостори тақвияти ҳамкориҳои иқтисодӣ, густариши тиҷорати дуҷониба ва афзоиши сармоягузорӣ дар миёни Тоҷикистон ва Покистон шудааст.
Сиёсати хориҷӣ
03.11.2026 13:12

Тоҷикистон бо Лаос дар бораи ҳамкориҳои дуҷониба гуфтугӯ кард

Рӯзи 2-юми ноябр намояндагони Вазорати корҳои хориҷии Ҷумҳурии Тоҷикистон ва Ҷумҳурии халқӣ-демократии Лаос дар шаҳри Вентян масъалаҳои таҳкими муколамаи байниҳукуматӣ, рушди робитаҳои тиҷоративу иқтисодӣ ва ҳамкориҳои фарҳангиро баррасӣ намуданд.