Манобеи ҳукуматии Яман ба хабаргузории “Ройтерз” гуфтаанд, ки дар пайи ҳамлаҳои гурӯҳи ҳусиҳо ба чандин пойгоҳи низомӣ дар вилоятҳои Мариб ва Ҳазрамавт, дастикам 30 неруи вобаста ба ҳукумат кушта шудаанд.

Неруҳои изтирории Яман, вобаста ба ҳукумат, дар баёнияе, ки рӯзи панҷшанбе, 6-уми август нашр кардаанд, гуфтаанд, ки ҳусиҳо чандин урдугоҳ ва воҳиди низомӣ, аз ҷумла пойгоҳҳои неруҳои изтирорӣ ва дигар неруҳои мусаллаҳро ҳадаф қарор додаанд.

Дар ин баёния омадааст, ки ин ҳамлаҳо талафоти ҷонӣ ва хисороти молӣ бар ҷой гузоштааст.

Манобеи ҳукуматии Яман афзудаанд, ки эҳтимол дорад шумори кушташудагон афзоиш ёбад.

Ҷанги Яман дар соли 2014 пас аз қудратгирии ҳусиҳо ва тасарруфи Санъо, пойтахти ин кишвар, оғоз шуд.

Ин даргириҳо то кунун ҳазорон кушта ва миллионҳо овора бар ҷой гузошта ва талошҳои байналмилалӣ барои дастёбӣ ба як сулҳи пойдор ҳанӯз ба натиҷа нарасидааст.

Dialog.tj