Ду сол мешавад, ки сару садоҳо дар мавриди ташкили муҳорибаи Ислом Махачев ва Илия Топурия, ки ҳоло ҳар ду дар ду вазни чемпионанд, дар расонаҳои хабарӣ чарх мезанад.

Аксари коршиносон ба боваре буданд, ки ин муҳориба дар мусобиқаи UFC Кохи сафед ташкил мешавад, вале тавре шоҳид шудем, Илия Топурия бо Ҷастин Гейҷи рақобат мекунаду Ислом Махачев ҳоло расман рақиб надорад.

Бояд бигӯем, ки пас аз эълон шудани муҳорибаҳои UFC Кохи сафед, Илия Топурия дар шабакаҳои иҷтимоӣ навишт, ки боз Ислом Махачев ба муҳориба розӣ нашуд. Сипас, Ислом Махачев суханҳои ӯро рад карда, пардапӯшона гуфт, ки “сабаби ташкил нашудани муҳориба ман нестам, балки нафси бади менеҷерат аст”.

Шоми гузашта, менеҷери Илия Топурия Малки Кава дар шабакаҳои иҷтимоӣ навишт, ки “сабаби ташкил нашудани муҳорибаи мазкур он аст, ки ташкилоти UFC гонорари кам пешниҳод карданд ва розӣ нашудем”.

Ҳамчунин, мураббии Ислом Махачев Хавер Мендес низ дар мусоҳибае иброз дошт, ки “тими Илия Топурия муҳорибаро зидди Ислом Махачев барои кам будани гонорар напазируфтанд, вале боз варзишгари доғистониро айбдор мекунанд”.

Ҳамин тавр, ҳамааш маълум шуд. Яъне Ислом Махачев омода будааст, вале тими Илия Топурия муҳорибаро қабул накардаанд.

Dialog.tj