Вазорати корҳои хориҷаи Умон эълом кард, музокироти имрӯзи Эрон ва Амрико дар Женева бо пешрафти назаррас ба поён расид.

Ба гузориши расонаҳо Вазорати корҳои хориҷаи Умон дар баёнияе аз баргузории дидори машваратӣ миёни Бадр бин Ҳамад ал-Бусаидӣ, вазири корҳои хориҷаи ин кишвар, бо Стив Уиткофф, намояндаи вижаи президенти Иёлоти Муттаҳидаи Амрико ва Ҷаред Кушнер хабар дод.

Бар асоси ин баёния, ин дидор дар шаҳри Женева баъд аз даври ҷадиди музокироти Ҷумҳурии Исломии Эрон ва Иёлоти Муттаҳидаи Амрико, ки дирӯз (сешанбе) бо миёнҷигарии салтанати Умон баргузор шуд, анҷом гирифт.

Дар ин мулоқот арзёбии ҳамаҷонибаи фазои умумии музокирот пешниҳод карда шуд ва талабот барои муваффақияти он аз ҷанбаҳои гуногуни сиёсӣ ва техникӣ бо равиши воқеӣ ва созанда баррасӣ шуданд: равише, ки ба гуфтаи Вазорати корҳои хориҷии Умон, барои тақвияти имкониятҳо барои расидан ба тафоҳумҳо мувофиқи ҳадафҳои музокирот равона шуда буд.

Дар идомаи баёния омадааст, ки музокироти имрӯзи Эрон ва Амрико бо пешрафти назаррас ба поён расид ва ҳамин амр, заминаро барои тадовуми гуфтугӯҳо дар ояндаи наздик фароҳам кард.

Dialog.tj