Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
Ду намоиши дидании Театри ҷавонон дар «Ҳафтаи намоишномаҳои камеравӣ»
Тибқи иттилои дастрас, дар Театри давлатии ҷавонон ба номи Маҳмудҷон Воҳидов рӯзҳои 13-ум, 14-ум ва 16-уми феврал «Ҳафтаи намоишномаҳои камеравӣ» баргузор мегардад.
Гуфта мешавад, ки 13-ум ва 14-уми феврал намоиши «Актриса» аз рӯи асари Карина Шадимова, бо коргардонии Қамариддин Мирзоев ва ҳунарнамоии ҳушнарпешаи маъруф Зарина Бадалзода ба саҳна гузошта мешавад.
Тибқи иттилои масъулини Театри давлатии ҷавонон ба номи Маҳмудҷон Воҳидов, моноспектакли «Актриса» дар 9-умин Ҷашнвора-озмуни байналмилалии «Фазои ҷавонон» (шаҳри Сочи, Русия, 2018) дар бахши «PROMONO» соҳиби ҷоизаҳои «Беҳтарин ороиши саҳна», «Ҳалли пластикии намоиш», «Беҳтарин нақши занона» гашта, инчунин, сазовори дипломҳои махсус «Барои коргардонӣ ва ҷасорат» (Қ. Мирзоев) ва «Барои ғайрат ва илҳоми эҷодӣ дар касб» (З. Бадалзода) мебошад.
Ҳамчунин, 16-уми феврал намоиши «Шабе дур аз Ватан» дар коргардонии Нозим Меликов ва нақшофарии Абдумумин Шарифӣ ва Моҳпайкар Ёрова манзури алоқамандони театр мегардад.
Намоиши «Шабе дур аз Ватан» дорои як қатор ҷоизаҳо мебошад. Аз ҷумла, «Ҷило-2014» дар номинатсияи «Беҳтарин намоиши сол» барои саҳми назаррас дар рушди фарҳанги форсизабонони дунё, «Парасту-2011» ҷойи якум ва ҷоизаи «Беҳтарин иҷрокунандаи нақши мардона», Ҷашнвораи байналмилалии «Тунгышбай Ал-Тарази приглашает в Тараз» (Қазоқистон, 2015) «Беҳтарин иҷрокунандаи нақши мардона», 6-умин ҷашнвора-озмуни байналмиллалии театрӣ “Қазоқистон қалби Осиё” ҷоизаи “Беҳтарин иҷрои дуэти ҳунармандӣ (актёрӣ)” (А.Шарифӣ ва М.Ёрова) ва ғайраҳо.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?