Сандуқи ҳимоят аз кӯдакони Созмони Милали Муттаҳид (ЮНИСЕФ) эълом карда, ки бозгушоии гузаргоҳи Рафаҳ гоми муҳим ва қобили истиқбол аст, аммо кумакҳои башардӯстона ҳанӯз аз ин масир вориди Ғазза намешавад ва тахлияҳои пизишкӣ низ бисёр маҳдуд аст.

Ин созмон рӯзи панҷшанбе, 12-уми феврал дар саҳифаи “Х” навишта, ки барои наҷоти ҷони кӯдакон, ҳамаи гузаргоҳҳо ва масирҳо бояд ба сурати густурда ва ҳамзамон боз шаванд ва имкони убури амн ва бо каромат барои мардум дар ҳар ду тараф фароҳам шавад.

ЮНИСЕФ таъкид карда, ки афзоиши фаврӣ ва қобили таваҷҷуҳи тахлияҳои пизишкӣ ҳаётӣ аст, зеро бисёре аз кӯдакон дар шароити буҳронӣ қарор доранд ва ниёзманди дармони фаврӣ ҳастанд.

Созмонҳои имдодрасон пештар ҳушдор дода буданд, ки идомаи маҳдудиятҳо, вазъияти инсонӣ дар Ғаззаро вахимтар мекунад ва ҷони ҳазорон кӯдак дар маърази хатари ҷиддӣ қарор дорад.

Созмони имдод ва корёбӣ барои паноҳандагони фаластинӣ  низ гузориш дода буд, ки ҳудуди 20 000 тан дар Ғазза ба нигоҳубини пизишкии фаврӣ ниёз доранд.

Мақомоти тандурустии Ғазза низ эълом карда буданд ҳазорон кӯдак ва бузургсоли фаластинӣ, ки ниёз ба нигоҳубини пизишкӣ доранд, умедворанд аз тариқи ин марз аз Ғазза хориҷ шаванд.

Dialog.tj