Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
Ғолибони Синамоҷашнвораи дуюми байналмилалии Душанбе — «Тоҷи Сомон» маълум шуданд
19-уми октябр маросими ҷоизасупории Синамоҷашнвораи дуюми байналмилалии Душанбе — «Тоҷи Сомон» дар Театри давлатии академии опера ва балети ба номи Садриддин Айнӣ доир гардид.
Дар маросими мазкур «Шоҳҷоиза барои беҳтарин филми ҳунарӣ» ба коргардони тоҷик Муҳиддини Музаффар барои филми «Моҳӣ дар шаст» тақдим гардид.
Гуфта мешавад, ки бинобар қарори ҳайати ҳакамон ҷоизаи “Беҳтарин коргардон” ба Алексей Герман аз Русия барои филми «Ҳаво», ҷоизаи “Беҳтарин наворбардор” ба Константин Бесаҷе аз Беларус барои филми «Қасри сиёҳ», ҷоизаи «Беҳтарин оҳангсоз» ба Фарзин Халакбар аз Эрон барои филми «Моҳи дар шаст», ҷоизаи “Беҳтарин нақши мардона” ба Алтаншагай Ганбаатр аз Муғулистон барои филми «Падар», ҷоизаи “Беҳтарин нақши занона” ба Анастасия Тализина аз Русия барои филми «Ҳаво» ва ба Таҳмина Раҷабова аз Тоҷикистон барои филми «Хоби сурх» дода шуд.
Ҳамин тавр, филми кӯтоҳи «Занги шомгоҳӣ»-и коргардони қирғиз Саодат Казакбаева сазовори ҷоизаи “Беҳтарин филми ҳунарии кӯтоҳ” гардида, филми қазоқии «Шаҳрвандони бом» ҷоизаи махсуси ҳакамонро соҳиб гардид.
Ҳамчунин, ҷоизаи махсуси раиси шаҳри Душанбе “Барои саҳми муносиб дар рушди кинематография” ба Турахон Аҳмадхонов аз Тоҷикистон тақдим гардид.
Ёдовар мешавем, ки дар озмунҳои Синамоҷашнвораи дуюми байналмилалии Душанбе — «Тоҷи Сомон» 16 филми ҳунарии пурра ва 20 филми ҳунарии кӯтоҳ барои иштирок иштирок намуданд.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?