Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
Марям Исоева бо нишони "Аълочии маориф ва илми Тоҷикистон" қадрдонӣ гардид
Марям Исоева, Ҳунарманди халқии Тоҷикистон, профессори кафедраи маҳорати актёрии Донишкадаи давлатии фарҳанг ва санъати Тоҷикистон ба номи Мирзо Турсунзода бо нишони "Аълочии маориф ва илми Тоҷикистон" қадрдонӣ гардид.
Бо мақсади таҷлили Рӯзи омӯзгор, ки шанбеи аввали моҳи октябр ҷашн гирифта мешавад, имрӯз, 4-уми октябри соли 2025 дар толори “Кохи Суруш”- и шаҳри Душанбе марсоме баргузор карда шуд ва дар он омӯзорон ва кормандони соҳаи маорифи Тоҷикистон қадрдонӣ гардиданд.
Марям Исоева, Ҳунарпешаи театр ва синамои тоҷик ва Ҳунарпешаи халқии ҶШС Тоҷикистон буда, хатмкардаи Институти давлатии санъати театрии ба номи А. В. Луначарскийи шаҳри Москва мебошад. Ӯ баъди хатми муассисаи мазкур аз соли 1960 то 1961 ҳамчун ҳунарпешаи Театри давлатии мусиқӣ-мазҳакавии ба номи Камоли Хуҷандӣ фаъолият намудааст. Пас аз як сол ӯро барои кор ба бонуфузтарин театри Тоҷикистон - Театри академӣ-драмавии ба номи Абулқосим Лоҳутӣ ба кор даъват намуданд.
Марям Исоева бо ин театри номдор бипайваст ва инак беш аз 60-сол аст, ин бонуи сар то по ҳунар дар саҳнаи баланди Театри Лоҳутӣ нақшҳои ҷаззоб ва мондагор меофарад.
Марям Исоева дар тӯли фаъолияти эҷодиаш дар саҳнаи театр, кино ва телевизион ҳазорон образҳои хотирмон ва ҷаззоб офаридааст, аммо тамошобинон ӯро бештар дар образи модари тоҷик мешиносанд.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?


