Дар шаҳри Маскав озмуни ҷаҳонии мусиқии “Интервидение-2025”, ки шаби якшанбе доир гардид, ба анҷом расид. Дар саҳна ҳунармадон аз 23 кишвари ҷаҳон баромад карданд.

Мақоми аввалро ҳайати доварони сатҳи байналмилалӣ ва тамошобинон ба овозхони ветнамӣ Дик Фук доданд.

Тоҷикистонро дар ин озмун Фаррух Ҳасанов намояндагӣ мекард. Ӯ бо таронаи “Гори!” мақоми панҷумро касб намуд ва қариб ҳамаи доварон ба ӯ баҳои баланд доданд.

Таҳлилгарон мегӯянд, ки иҷрои пурҳарорату дурахшони Фаррух Ҳасанов нисбатан фарқкунанда буда, тамошобинонро ба ваҷд овард.

“Баромади намояндагони Тоҷикистон яке аз хотирмонтарин лаҳзаҳои марҳилаи ниҳоии озмун буд”- зикр кард масъули Кумитаи ташкилоти озмун.

Тамошобинон дар толори сеҳазорнафара бо самимият баромади Фаррух Ҳасановро истиқбол карданд ва суруди ӯро миллионҳо бинанда аз тариқи телевизион диданд.

Dialog.tj