Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
25 сомонӣ дар як моҳ. Филмҳои “Довфилм” дар “Оила ТВ” дастрас мегарданд
Тавре ки хадамоти матбуоти киностудияи “Довфилм” хабар медиҳад, аз ин ба баъд алоқамандони синамо филмҳои истеҳсолнамудаи студияи мазкурро платформаи “Оила ТВ” тамошо карда метавонанд.
Гуфта мешавад, ки киностудияи “Довфилм” бо ширкати “Оила ТВ” шартномаи ҳамкорӣ баста, тавассути обунаи пулакӣ, яъне 25 сомонӣ дар як моҳ ба тамошобинони ин платформа имкони дидани ҳамаи филмҳои студияи мазкурро медиҳад.
“Ҳамкории стратегии киностудияи “Довфилм” ва ширкати “Оила ТВ” на танҳо дар платформаи онлайнии худ намоиш додани филмҳои “Довфилм” балки дар самти истеҳсоли филмҳои нави ҳунарӣ, аз ҷумла силсилафилмҳо сармоягузорӣ кардан аст. Чунин ҳамкории муштарак имкон медиҳад, ки бозори филмсозиву муҳити синамоӣ гарм шуда, дар саҳифаҳои шабакаи интернет филмҳои сифатан нави ҳирфавии миллӣ намоиш дода шавад”, - омадааст дар резаахбори “Довфилм”.
Иттилоъ дода мешавад, ки киностудияи “Довфилм” 5-уми октябри соли 2023 дар шаҳри Душанбе бо иқдоми коргардон-таҳиягар Муҳиддини Музаффар ва тими ташаббускорон таъсис ёфта, то имрӯз филмҳои ҳунарии “Моҳӣ дар шаст”, “Блогер”, “Ҷосус” ва филмҳои мустанади “Синамоҷоизаи дуюми миллии Тоҷи Сомон” , “Роҳ”, “Чеҳраҳои Роғун”-ро таҳия намудааст.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?