19 Ноябр 2026,
панҷшанбе, 05:25, Душанбе
16.09.2025 09:00

Амири Қатар ҳамлаи Исроилро “буздилона” номид

Нишасти изтирории сарони кишварҳои арабӣ ва исломӣ дар пойтахти Қатар – шаҳри Давҳа баргузор шуд. Дар суханронии ифтитоҳии худ Амири Қатар Шайх Тамим ибни Ҳамад Оли Сонӣ ҳамлаи Исроил ба Давҳаро “амали террористии буздилона” номида, гуфт, ки ин ҳамла на фақат шаҳрвандони Қатар, балки ҷомеаи ҷаҳониро низ такон хоҳад дод.

Амири Қатар гуфт, ҳадафи ҳамла манзиле буд, ки намояндагони Ҳамос ва ҳайати музокиракунандаи ин гурӯҳ дар он иқомат доштанд. Ӯ қайд кард, ки дар лаҳзаи ҳамла, роҳбарияти Ҳамос пешниҳоди Амрикоро баррасӣ мекард, ки ба воситаи Қатару Миср ба онҳо расонида шуда буд. Ба гуфтаи ӯ “исроилиҳо бо ҳамзамон ҳамла ва музокира мехоҳанд равандҳои сулҳро ноком созанд”.

Дар баробари Қатар кишварҳои дигари арабӣ ва исломӣ низ бо забони шадид ба ин ҳамла вокуниш намуданд. Дабири кулли Созмони ҳамкории исломӣ Ҳусейн Иброҳим Тоҳо аз Шурои амнияти СММ даъват кард, ки Исроилро барои ин амалҳо ба ҷавобгарӣ кашад.

Подшоҳи Урдун Абдуллоҳ гуфт, амнияти Қатар амнияти онҳо низ аст ва ӯ аз зарурати чораҳои амалӣ барои манъ намудани кучи иҷбории фаластиниҳо ва қатъи ҷанг дар Ғазза ҳарф зад. Сарвазири Ироқ пешниҳод кард, ки ҳар гуна ҳамла ба яке аз кишварҳои исломӣ таҳдид ба тамоми ҷаҳони арабу ислом шумурда шавад.

Маҳмуд Аббос, раиси идораи худгардони Фаластин аз ҷомеаи байналмилалӣ даъват намуд, ки барои пешгирӣ аз такрори чунин ҳамлаҳо иқдомҳои ҷиддӣ рӯи даст гирифта шавад. Президенти Миср Абдулфаттоҳ Сисӣ гуфт, ки “рафтори худсаронаи Исроил суботи минтақаро ба хатар меандозад ва аз шинохти фаврии кишварҳои Фаластин ба ҳайси роҳи ягонаи дукишварӣ ҳимоят кард.

Президенти Туркия Раҷаб Тайиб Эрдуғон гуфт, ҳамла ба Қатар нишон медиҳад, ки Исроил ҳатто ба кишварҳои миёнрав ҳамла мекунад. Ӯ ҳушдор дод, ки “нияти Нетаняҳу идомаи қатли омм ва таҳрики бесуботии минтақа аст”.

Президенти Лубнон Жозеф Ун низ таъкид кард, ки “ҳадафи аслии ин ҳамла аз миён бурдани миёнравон ва усули гуфтушунид аст”  ва таъкид кард, ки зарур аст ҳама дар Маҷмааи Умумии СММ муттаҳидона ҳарф зананд.

Нишасти изтирории кишварҳои исломӣ дар Қатар фурсати муносиб барои ҳамовозӣ бар зидди Исроил ва гирифтани тасмимҳои воҳид аст. Бархе кишварҳо, аз ҷумла Миср ва Урдун пешниҳод намуданд, ки артиши ягонаи исломӣ шабеҳи НАТО ташкил карда шавад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.