19 Ноябр 2026,
панҷшанбе, 05:25, Душанбе
10.09.2025 15:38

Роҳбарони Ҳамос аз ҳамлаи Исроил наҷот ёфтаанд

Гурӯҳи Ҳамос, ки аз ҷониби Исроил ва дигар муттаҳидонаш гурӯҳи террористӣ ном бурда мешавад, бо нашри изҳорот гуфт, ки аз ҳамлаи Исроил роҳбарони аршади ин гурӯҳ наҷот ёфтаанд.

Ин гурӯҳ дар изҳороти худ феҳристи кушташудаҳои ҳамлаи Исроилро нашр намуд, ки дар миёни онҳо фарзанди раиси дафтари сиёсии Ҳамос Халил ал-Ҳайя  ва раиси дафтари ӯ зикр мешавад.

Ҳамос дар изҳороти худ ҳамлаи артиши Исроил ба нишасти ҳайати музокиракунандаро “ноком” ва “ҷинояти ҷангӣ” номида, афзудааст, ки “Талоши буздилонаи имрӯзи Исроил барои суиқасд ба ҳайати музокиракунандаи Ҳамос дар пойтахти Қатар ҷинояти нангин, таҷовузи ошкор ва нақзи фоҳиши тамоми меъёрҳо ва қонунҳои байналмилалӣ мебошад”.

Ин гурӯҳ таъкид намуд, ки ин ҳамла на фақат ба ҳайати он, балки ба ҳокимияти давлати бародар – Қатар низ таҷовуз намудааст. Қатар дар баробари Миср нақши муҳим ва бомасъулиятонаро дар равандҳои миёнҷигарӣ ва кӯшишҳо барои қатъ кардани таҷовуз, расидан ба созиш дар баробари оташбас ва мубодилаи асирон иҷро менамояд.

Ҳамос феҳристи аъзои кушташудаи ҳамлаи Исроил ба дафтари ин гурӯҳ дар Қатарро нашр кард, ки чунин аст:

Ҷиҳод Лабад (Абу Билол), мудири дафтари Халил ал-Ҳайя.

Ҳаммос ал Ҳайя (Абу Яҳё), писари Халил ал Ҳайя.

Абдулло Абдулвоҳид (Абу Халил) муҳофиз.

Муъмин Ҳассуна (Абу Умар) муҳофиз.

Аҳмад ал-Мамлук (Абу Молик), муҳофиз.

Дар ин ҳамла як низомии қатарӣ бо номи Бадр Саъд Муҳаммад ал –Ҳумайдӣ, узви амнияти дохилии Қатар кушта шудааст ва Ҳамос кушта шудани ӯро ба мақомоти қатарӣ тасаллият гуфтааст.

Ҳамлаи ҳавоии Исроил ба Қатар хашми кишварҳои арабиро барангехт ва аксари кишварҳои арабӣ ва ҷаҳон ин ҳамларо маҳкум намуданд. Созмони Милали Муттаҳид қарор аст дар рӯзҳои оянда дар хусуси баррасии ин масъала нишасти изтирорӣ баргузор кунад.

Ҳамос дар изҳороти худ бо ишора ба ин ки Исроил хоҳони сулҳ ва субот дар минтақа нест, гуфтааст: “Ҳадаф қарор додани ҳайати музокиракунанда, маҳз дар ҳоле, ки онҳо пешниҳодҳои охирини Доналд Трамп, Президенти Амрикоро баррасӣ менамуданд, рӯшан месозад, ки Нетаняҳу ва ҳукумати ӯ ҳич нияти ба созиш расиданро надоранд ва қасдан ҳама имкониятҳоро барбод медиҳанд”.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.