19 Ноябр 2026,
панҷшанбе, 05:25, Душанбе
10.09.2025 08:16

Ҳамлаи ҳавоии Исроил ба нишасти роҳбарони Ҳамос дар Қатар

Исроил барои терор намудани роҳбарони Ҳамос ба қароргоҳи ин гурӯҳ дар шаҳри Давҳа – пойтахти Қатар ҳамлаи ҳавоӣ анҷом дод. Артиши Исроил бо нашри як изҳорот масъулияти ҳамларо бар дӯш гирифт ва гуфт, ки “нишасти роҳбарони баланпояи Ҳамос” дар маркази шаҳри Давҳа мавриди ҳадаф қарор гирифт.

Манобеъ ба хабаргузории Рейтерз гуфтаанд, ки абрҳои дудии сиёҳ аз болои маҳаллаи Катара ба осмон баланд шуд. Бино ба гузоришҳои охирин ҳадди аққал 12 мушак аз ҷониби ҷангандаҳои исроилӣ ба самти қароргоҳи Ҳамос дар Қатар партоб шудааст.

Шабакаи телевизионии Ал-Ҷазира бо истинод ба сарчашмаҳои наздик ба Ҳамос тасдиқ намуд, ки мақсади ҳамла нишасти ҳайати музокиракунандаи Ҳамос будааст, ки дар он пешниҳодҳои ахири Президенти Амрико Доналд Трамп дар хусуси оташбаси Ғаззаро баррасӣ мекарданд. Бо вуҷуди ин, роҳбарони калидии Ҳамос, аз ҷумла доктор Халил  ал-Ҳайя аз сӯиқасди Исроил наҷот ёфтаанд.

Расонаҳои маҳаллӣ дар кишварҳои арабӣ аз кушта шудани фарзанди Халил ал-Ҳайя ва мудири дафтари ӯ хабар медиҳанд.

Вазорати корҳои хориҷии Қатар бо нашри як изҳорот шадидан ин ҳамларо “таҷовузи ҷинояткорона ва нақзи рӯшани ҳуқуқи байналмилалӣ” номида, гуфт, ки бо чунин “рафтори бидуни андеша ва душманонаи Исроил” созиш нахоҳанд кард. Ба дунболи ин, Давҳа гуфт, ки дигар миёни Исроил ва Ҳамос миёнҷигарӣ намекунад.

Расонаҳои исроилӣ хабар доданд, ки Амрико қабл аз ҳамлаи Исроил ба Қатар аз ин иқдом огоҳ будааст. Дафтари сарвазири Исроил таъкид намуд, ки ҳамла пурра мустақиона ва бо масъулияти худи Исроил анҷом ёфтааст.

Гурӯҳи Ҷиҳоди Исломии Фаластин низ бо нашри баёния ҳамларо “буздилона ва мухолифи арзишҳои башарӣ” номид ва ҳушдор дод, ки ин иқдом фақат ба идомаи хунрезӣ дар Ғазза мусоидат мекунад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.