Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард
Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”
Замзамаи дубораи ҷанг. Мақомоти эронӣ мегӯянд эҳтимоли ҷанг бо Исроил “хеле боло” аст
Мақомоти эронӣ гуфтаанд, ки эҳтимоли дубора сар задани ҷанг бо Исроил “хеле боло” аст ва неруҳои мусаллаҳи ин кишвар нисбат ба Ҷанги 12-рӯза аз тавони дифоии зиёде бархӯрдор шудааст.
Рӯзномаи “Ню-Йорк таймз” аз қавли як мақомоти эронӣ навишт, ки Эрон барои як ҷанги дигар омодагӣ мебинад. Ба навиштаи ин рӯзнома, ҷанги нав миёни Эрон ва Исроил метавонад талафоти зиёд дар миёни ғайринизомиён ва инфрасохтори ғайринизомӣ ба ҳамроҳ дошта бошад.
Қаблан расонаи “Форн полисӣ” бо нақши як мақола дурнамои сиёсати пуртаниши Исроил ва Эронро баррасӣ карда, афзуда буд, ки ҷанги нави миёни Эрон ва Исроил бисёр хунинтар аз ҷанги аввал хоҳад буд.
Рӯзномаи “Ню-Йорк таймз” навишт, ки дар сурати оғоз шудани ҷанги дубора миёни Эрон ва Исроил ин эҳтимол вуҷуд дорад, ки бархе кишварҳои минтақа дар хатари ҳамлаҳои мушакӣ қарор гиранд. Ин ҷанг ба эҳтимоли зиёд пойи Амрикоро ҳам ба худ бикашад.
Бархе таҳлилгарон ҷанги дубораи Эрон бо Исроилро ҷанги вуҷудӣ номида, таъкид кардаанд, ки агар ҷанг оғоз шавад, ин бор Эрон аз мушакҳои қавитар истифода хоҳад кард. Бархе расонаҳои ғарбӣ навиштаанд, ки эҳтимолан дар тирамоҳи соли ҷорӣ ҷанги шадид миёни Эрон ва Исроил оғоз хоҳад шуд. Ба навиштаи ин расонаҳо, ин бор Эрон аз мушакҳои вайронгари “Хуррамшаҳр 1”, “Хуррамшаҳр 5” ва мушаки “Растохез” истифода хоҳад кард.
Раиси парлумони Эрон Муҳаммад Қолибоф дар изҳори назари тозае гуфт, ки эҳтимоли ин ки дубора ҷанг шавад, хеле боло аст ва ҳама бояд барои он омода шаванд.
Ин дар ҳолест, ки бисёре аз кишварҳо, аз ҷумла Русия ва Чин хоҳони бо роҳи дипломатӣ ҳал шудани масъалаи Барномаи атомии Эрон ва пешгирӣ аз оғози як ҷанги вайронгари дигар ҳастанд. Иёлоти Муттаҳидаи Амрико дигар мисли собиқ ба дунболи музокироти атомӣ бо Эрон нест. Бо вуҷуди ин ки ду ҷониб аз нияти худ барои азсаргирии музокирот ҳарф мезананд, ҳоло қадамҳои ҷиддӣ дар ин робита бардошта нашудааст.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард