19 Ноябр 2026,
панҷшанбе, 05:25, Душанбе
30.07.2025 15:34

Ғазза дар чанголи сахти гуруснагӣ

Дар ҳоле, ки ҳамлаҳои ваҳшиёнаи режими Исроил бар зидди мардуми бегуноҳи Ғазза ҳамоно идома доранд, як ниҳоди назоратӣ таҳти ҳимояи Созмони Милали Муттаҳид бо нашри баёнияе ҳушдор дод, ки “қаҳтӣ ба таври расмӣ дар Навори Ғазза рӯй дода истодааст ва ҳазорон кӯдаки фаластинӣ аз камғизоии шадид ранҷ мекашанд”.

Дар ин замина Созмони ташаббуси дараҷабандии амнияти озуқаворӣ эълон кард, ки кумакҳои ҳавоӣ ба Ғазза наметавонанд аз вуқуи “фоҷеаи башарӣ”-и густурдае, ки дар саросари ин минтақа дар ҳоли шакл гирифтан аст, пешгирӣ кунанд. Ин гурӯҳ, ки вобаста ба Созмони Милали Муттаҳид аст ва назорат бар камғизоиро дар Ғазза ба уҳда дорад, таъкид мекунад: “бадтарин сенарияи қаҳтӣ ҳоло дар Навори Ғазза рух дода истодааст”.

Нуқтаи муҳим ин аст, ки ба гуфтаи ниҳодҳои ҳуқуқи башар ин қаҳтӣ “сунъӣ” буда, бо бастани роҳҳои кумакрасонӣ аз ҷониби режими Исроил ба вуҷуд омадааст ва ҳадафи сиёҳи ҳукумати ҷангии Исроил фишор овардан ба мардуми гуруснаи Ғазза аст, то аз ҳаракати муқовимати исломӣ ҷудо шаванд. Аммо ин хаёлҳои Исроил борҳо бо ҳимояти густурдаи фаластиниҳо аз ормони двизияи Иззудин Қассом нобуд шудаанд.

Ҳамзамон бо нокомии Тел-Авив дар барангехтани тафриқа миёни мардум ва Ҳамос дар навори Ғазза Вазорати тандурустии Ғазза дирӯз бо пахши баёния эълон кард, ки аз 7 –уми октябри соли 2023 то кунун, ҳадди аққал 60 ҳазору 34 фаластинӣ дар натиҷаи ҳамлаҳои режими Исроил шаҳид шудаанд ва беш аз 145 ҳазор тани дигар маҷруҳ гаштаанд. Бо вуҷуди ин, мардум аз байъати худ бо муқовимати фаластинӣ рӯй нагардондааст.

Шиддати қаҳтӣ дар соҳили шарқии Баҳри Миёназамин ба ҳадде расидааст, ки Расс Смит, мудири бахши фавқулодаи Барномаи ҷаҳонии ғизо дар Женева ба хабарнигорон гуфт: “Ин вазъият бо ҳич яке аз буҳронҳое, ки дар ин қарн шоҳид будем, қобили муқоиса нест ва мо ҳатто ба ёди фоҷеаҳои Эфиопия ва ҷануби Нигерия дар қарни гузашта меафтем”.

Соли 2004 Созмони озуқаворӣ ва кишоварзии Созмони Милали Муттаҳид барномаи “Дараҷабандии якпораи амнияти ғизоӣ” –ро барои назорати ҷаҳонии гуруснагӣ таҳия кард. Ин барнома ҳоло ба меъёри аслии шиносоии қаҳтӣ табдил ёфта ва панҷ марҳиларо дар бар мегирад.

Бар асоси арзёбиҳои ниҳоди “IPC” ҳоло Навори Ғазза дар марҳилаи 5, яъне вазъияти фоҷеабор ва бадтарин сатҳи буҳрони ғизоӣ қарор дорад. Шоҳидон мегӯянд, ки дар минтақаҳое чун Байт Лоҳиё ва Хон Юнус нишонаҳои қаҳтӣ, аз ҷумла камғизоии шадид, фавт ва камбудии комили ғизо қариб, ки пурра ба воқеият табдил ёфтааст.

Бо ҳадафи муқовимат ба наслкушии артиши ишғолгари Қудс, ба гузориши хабаргузории Шаҳоб, Ҷунбиши муқовимати исломӣ, Ҳамос дар баёнияе таъкид намуд: “Мо хостори шиддат бахшидани шуриши мардумии ҷаҳонӣ дар рӯзҳои ҷумъа, шанбе ва якшанбе ва ҳама рӯзҳои оянда бар зидди таҷовузи ваҳшиёнаи режими Исроил ва наслкушии ошкор дар Ғазза ҳастем”.

“Бо лаббайк ба нидои фармондеҳи шаҳид Исмоил Ҳания шаҳиди зиндаи Фаластин ва уммати исломӣ рӯзҳои якшанбе, 3-уми августро ба ҳайси Рӯзи ҷаҳонии ҳимоят аз Ғазза, Қудси Шариф, Масҷидул-ақсо ва асирони мазлуми фаластинӣ гиромӣ дорем”.- зикр шудааст дар баёния.

Ҳамос бо ишора ба хомӯшии созмонҳои байналмилалӣ дар баробари ҷиноятҳои режими Исроил афзуд, “мо аз миллатҳои озод мехоҳем, ки ҳамаи шаклҳои эътироз, тазоҳурот ва иттиҳодро дар назди сафоратхонаҳои режими Исроил, Амрико ва дигар ҳукуматҳои ҳомии ин ишғолгари хунрез баргузор кунанд, то замоне, ки мошини ҷанг ва муҳосираи Ғазза ба таври комил қатъ гардад”.

Раванди танҳо мондани режими Исроил, ки бо пуштибонии озодихоҳони ҷаҳон дар тазоҳуротҳо ҳамроҳ шуд, бо мухолифати баъзе аз сиёсатмадорони аврупоӣ ҳам шиддат гирифт. То ҷое, ки 58 сафири пешини Иттиҳоди Аврупо дар номае ба сарони Шуро, Комиссия, Парлумон ва масъули сиёсати хориҷии иттиҳодия хостори қатъи фаврии таҷовузҳои Исроил ба Навори Ғазза ва вокуниши ҷиддӣ нисбат ба амалҳои ғайриқонунии он дар Ғазза ва Каронаи Бохтарӣ шуданд.

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.