Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
Барои рушд ва муаррифии кинои тоҷик. Синамогарони 20 давлат ба Душанбе меоянд
Директори Муассисаи давлатии “Тоҷикфилм” Маҳмадсаид Шоҳиён зимни нишасти матбуотӣ гуфт, ки соли ҷорӣ дар дуюмин Синамоҷашнвораи байналмилалии Душанбе – “Тоҷи Сомон” синамогарон аз 20 давлати ҷаҳон иштирок менамоянд.
Манбаъ афзуд, ки дар синамоҷашнвора асосан филмҳои бадеӣ ва кӯтоҳ пешниҳод мешаванд. Интихоб ва пешниҳоди онҳо аз ҷониби ҳайати ҳакамони байналмилалӣ тибқи низомнома анҷом дода мешавад.
Дар нишасти хабарӣ иттилоъ дода шуд, ки рӯзҳои кинои Русия, Эрон, Ҳиндустон, Қирғизистон ва Туркманистон дар Тоҷикистон дар доираи дуюмин синамоҷашнвораи мазкур ба нақша гирифта шудааст.
Ҳамчунин, ҷаласаи Шурои директорони киностудияҳо, рӯнамоии лоиҳаҳои синамоӣ-филмҳои тасвирӣ, ҳунарӣ ва мустанад, ҳамоиш бо иштироки намояндагони маъруфи кинои давлатҳои хориҷи дуру наздик, дарси «Устод ва шогирд» ва Форуми байналмилалии синамоӣ бахшида ба 60-солагии коргадони машҳури тоҷик, барандани Ҷоизаи давлатии Тоҷикистон ба номи Рӯдакӣ Бахтиёр Худойназаров дар нақшаи дуюмин Синамоҷашнвораи байналмилалии Душанбе - “Тоҷи Сомон” ворид гардидааст.
Бояд гуфт, ки бахшида ба Рӯзи кинои тоҷик аз 15-ум то 20-уми октябр дар шаҳри Душанбе Синамоҷашнвораи байналмилалии Душанбе - “Тоҷи Сомон” таҳти шиори “Таърихи рушди тоҷикон” баргузор мешавад.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?