Тоҷикистон дар намоишгоҳи байналмилалии китоб дар Алмаато: муаррифии китобҳои тозанашрҳо ва мероси фарҳангӣ
Дар самти рақамикунонии соҳаи фарҳанг Ёддошти тафоҳум ба имзо расид
Даври ниҳоии озмуни ҷумҳуриявии «Доирабазм» доир мегардад
Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид
“Тоҷикфилм” бо “Ленфилм” –и Русия барои таҳияи филмҳои муштарак созишнома имзо мекунад
Директори “Тоҷикфилм” Маҳмадсаид Шоҳиён дар суҳбат бо расонаҳои русӣ гуфт, “Тоҷикфилм” мақсад дорад, бо киностудияи русии “Ленфилм” барои таҳияи филмҳои муштарак созишнома имзо кунад. Маҳмадсаид Шоҳиён дар ҳошияи Форуми иқтисодии байналмилалии Санкт-Петербург дар ин хусус хабар дод.
Маҳмадсаид Шоҳиён гуфт, ки дар шаҳри Санкт-Петербург бо намояндагони “Ленфилм” мулоқот менамояд: “Ман мехоҳам бо онҳо шартнома бандам ва лоиҳаҳои муштаракро оғоз кунем. Мо ба ин ниёз дорем ва мавзуҳои зиёде ҳастанд, ки метавонем дар доираи ин ҳамкорӣ онҳоро таҳия кунем” – афзуд Муҳаммадсаид Шоҳиён.
Ӯ ёдовар шуд, ки киностудияи “Тоҷикфилм” дар ҳамкорӣ бо студияи русии “Лендок” филми муштараки “Тропа гнева” – ро ба навор гирифт ва корҳои мантажи он анҷом ёфтааст: “Мо омодаем, ки ҳамкориҳоро бо онҳо идома диҳем. Дар рӯзҳои наздик мо бо роҳбари “Лендок” мулоқот хоҳем кард ва ҷузъиёти инро ки чӣ гуна филм бояд ба экран барояд, баррасӣ мекунем”.
Ба гуфтаи ӯ муаррифии филми “Тропа гнева” дар доираи фестивали дуюми байналмилалии синамои “Тоҷи сомон”, ки рӯзҳои 15 – 20-уми октябр дар шаҳри Душанбе доир мешавад, баргузор хоҳад шуд.
Маҳмадсаид Шоҳиён иттилоъ дод, ки масъалаи роҳандозии лоиҳаҳои нави муштарак дар мулоқот бо намояндагони Россотрудничество ва Бунёди кинои Русия баррасӣ шудааст.
“Онҳо низ омодаанд, ки лоиҳаҳои муштарак амалӣ шаванд. Дар асл, ҳич монеа барои ин вуҷуд надорад. Бисёр муҳим аст, хеле зарур аст. Мо маҳз барои ҳамин дар ин форум ширкат дорем” – таъкид намуд Муҳаммадсаид Шоҳиён.
Директори “Тоҷикфилм” гуфт, ки дар соли 2024 ду лоиҳаи русӣ дар барномаи муаррифии лоиҳаҳо, ки аз сӯйи “Тоҷикфилм” доир шуда буд, ширкат намуданд ва яке аз онҳо ҷойи аввалро ишғол кард: “Оғози амалии лоиҳаи мазкур дар оянда дар назар аст” – гуфт Маҳмадсаид Шоҳиён.
Dialog.tj
Хатти хабарҳо
Хизматчиёни давлатӣ барои таҳсил дар магистратура ба Ҷопон фиристода мешаванд
Мулоқоти Файзалӣ Идизода бо раиси Маҷлиси Туркманистон Дунёгузел Гулманова
Дар 9 моҳ нақшаи даромади буҷети давлатӣ 114,9 фоиз таъмин гардид
Чаро “идеологияи миллӣ” дар паси таблиғоти “диндору бедин” ранг мебозад?