20 Ноябр 2026,
ҷумъа, 12:51, Душанбе
26.05.2025 14:03

Мунира Дадаева: “Дар театр худамро хушбахт ҳис мекунам”

17-уми марти соли ҷорӣ Президенти Ҷумҳурии Тоҷикистон муҳтарам Эмомалӣ Раҳмон ва президенти Федератсияи Россия Владимир Путин аз Русия истода, дар санги асос гузоштани бинои нави Театри давлатии драмавии русии ба номи Маяковский иштирок карданд ва дар назар аст, ки то моҳи декабри соли 2026 он ба анҷом бирасад.

Дар ин росто, Dialog.tj бо директори Театри давлатии драмавии русии ба номи Маяковский ва яке аз ҳунармандони маъруфу маҳбуби кишвар Мунира Дадаева суҳбати махсус анҷом дод, ки фишурдааш манзури хонандагон мегардад.

- Муаллима, нахуст бигӯед, ки хабари оғози сохтмони бинои театрро, ки аз ҷониби ду президент санги асос гузошта шуд, чӣ гуна қабул кардед?

- Бо хурсандӣ. Умед дорем, ки фаъолиятамонро дар бинои нав боз ҳам беҳтару хубтар мекунем.

- Солҳост, ки театри шумо бино надорад ва дар бинои Театри Лоҳутӣ кор мекунед. Ин мушкил аст, аммо баръакс кормандони театр фаъолияти хуб нишон дода истодаанд. Чӣ сабаб шуд, ки шумо бо вуҷуди бинои алоҳида надоштан, дилшикаста нашудед ва кор кардед?

- Барои он ки ҳайати кории театри мо ба касбу кору ҷойи корашон содиқанд, ин кору ин саҳнаро дӯст медоранд. Алалхусус, саркоргардони театр Хуршед Мустафоев тавонист, ки дар ин давра намоишҳои хубу диданӣ ба саҳна гузорад ва боз ҳам ҳунармандону тамошобинонро наздиктар намояд.

- Бигӯед, ки ҳоло дар театр чӣ навигарист, алоқамандони театри шуморо кадом намоиши наве интизор аст?

- Ба наздикӣ намоиши кӯдаконаи “Золотая Антилопа” дар таҳияи Некқадам Шоназаров доир шуд, ки аз ҷумлаи корҳои нави театрамон ба ҳисоб меравад. Ҳама хоҳишмандон метавонанд аз ин намоиши хубу диданӣ ғизои маънавӣ бигиранд.

- Чаро шумо бо журналистон кам ҳамсуҳбат мешавед, оё шуморо хафа кардаанд ё сабаби дигар дорад?

- Ман суҳбат мекардам, вале мутаассифона, бархеҳо суханҳоямро ба мардум дигаргуна расонданд, ки бароям нохушоянд буд.

- Аз соли 2015 инҷониб шумо директори театр ҳастед. Оё вазифа ба кори эҷодӣ таъсири манфӣ намерасонад?

- Як сухани маъмул ҳаст, ки вазифа ҳунармандро аз эҷод кардан канор мемонад, вале тӯли ин солҳо ман одат кардаам ва таъсири манфиашро надидаам.

- Солҳост, ки студияи назди Театри давлатии драмавии русии ба номи Маяковский фаъол аст ва шогирдони он имрӯз аллакай ҳунарпешаҳои шинохтаанд, ки дар филмҳо нақш меофаранд. Бигӯед, ки ҳоло фаъолияти студия чӣ гуна аст ва оё имрӯз ҳам барои омода кардани ҳунарпешаҳо хизмат мекунад?

- Студия фаъол аст, лекин солҳои охир ҷавонон фаъолияташонро давом намедиҳанд. Сабаб он аст, ки онҳо дар ин ҷо ояндаи худро намебинанд.

- Дар Театр Маяковский ҳунармандони хеле машҳур кор мекунанд. Оё барои шумо ҳамчун директор мушкил нест бо онҳо кор кардан ё баръакс осон аст?

- Бо ҳунармандони театр, яъне ҳамкоронамон кор кардан хеле осон аст, мо ҳамеша ҳамфикр ҳастем.

- Шумо ҳунарманде ҳастед, ки хеле зиёд таҳсил кардаед: ду сол студияи театрӣ бо роҳбарии Н.А Ширяев, соли 1990 Донишкадаи санъат (ихтисоси ҳунарпеша), панҷ сол студияи театрии назди Театри Маяковский, 4 сол Донишкадаи санъат (ихтисоси режиссор). Бигӯед, ки таҳсил барои ҳунарманд то кадом андоза муҳим аст?

- Таҳсили расмӣ гирифтан барои фаҳмиши кори театр хеле муҳим аст. Ва боз заҳмату меҳнати амалӣ дар саҳна аз он ҳам муҳимтар мебошад.

- Ҳам ҳунарпеша ва ҳам режиссор ҳастед. Чаро маҳз театрро интихоб кардед ва зиёда аз 30 сол мешавад, ки дар як театр кор мекунед?

- Ман аз 4-солагиам дар саҳнаам ва дар ҳамин театр ба воя расидаам. Ба ҷуз интихоби театр дигар интихобе надоштам ва худамро дар театр хушбахт ҳис мекунам.

- Оё боре шудааст, ки аз кори театр хаста шуда бошед ва фикри тарки кор дар саратон пайдо шуда бошад?

- Баъзе вақтҳое буд, ки чунин фикр дар сарам пайдо шуд, вале ҳеҷ тасмими ҷиддӣ нагирифтам, зеро ман ин даргоҳро дӯст медорам ва вафодори саҳнаам.

- Театр барои шумо чист: саҳнаи кор ё макони зиндагӣ?

- Театр бароям зиндагист.

- Шуморо мардуми тоҷик бештар бо филми “Муҳаббат” шинохтанд ва дӯст доштанд. Бигӯед, ки чаро дигар дар филмҳо иштирок намекунед ва оё нақшаи дар ояндаи наздик дар филм ё силсилафилмҳо нақш офаридандро доред?

- Дар аввал бояд бигӯям, ки ман ҳунарпешаи театр ҳастам, на кино. Сипас, ҳоло бароям кор дар театр хеле хуб аст, чунки ин ҷо ҳама чиз зинда аст.

- Дар миёни театрҳои кишвар Театри давлатии драмавии русии ба номи Маяковский аз ҷумлаи беҳтарин театрҳоест, ки тамошобинон хеле зиёд ба намоишҳояш мераванд. Бигӯед, ки чӣ гуна шумо ба ин муваффақият расидед?

- Бо меҳнати пурсамар ва истеъдоди ҳайати кории театр.

- Вақте ки ба театр тамошобин кам ояд, ин айби мардум аст ё айби ҳунармандон?

- Фикр мекунам, бештар айби мардум аст. Пеш аз ҳама маданияти ба театр рафтанро бояд волидон ба кӯдакон омӯзонанд.

- Имсол театри шумо дар фестивали “Парасту” ҷоиза нагирифт, чаро?

- Хуб мешавад, ки ин суолро аз ҳакамони фестивали “Парасту” пурсед. Ба фикри ман мо хубтаринем. Моро бе ҷоиза ҳам мардум мешиносанд ва дӯст медоранд.

- Бо назардошти рушди технология ва шабакаҳои иҷтимоӣ, оё театр метавонад ҳанӯз ҳам таъсиргузор боқӣ монад?

- Бале, таъсиррасон мемонад, зеро театр ҷоест, ки ҳунармандон бо тамошобинон гуфтугӯи зинда ва бевосита мекунанд.

Мусоҳиб

Ҳафизуллоҳ Тоҳирӣ

Хатти хабарҳо

20.11.2026 12:04

Хизматчиёни давлатӣ барои таҳсил дар магистратура ба Ҷопон фиристода мешаванд

Имрӯз, 20-уми ноябр бо мақсади ҷалби бештари довталабон ва интихоби номзадҳои болаёқат аз ҳисоби хизматчиёни давлатӣ барои давраи нави таҳсили солҳои 2027-2029 дар зинаи магистратураи донишгоҳҳои Ҷопон, дар доираи Лоиҳаи пешниҳоди стипендияҳо барои омодасозии кадрҳо (Лоиҳаи JDS) дар Вазорати энергетика ва захираҳои оби Ҷумҳурии Тоҷикистон чорабинӣ гардид.
20.11.2026 09:04

Дар 9 моҳ нақшаи даромади буҷети давлатӣ 114,9 фоиз таъмин гардид

Таҳти раёсати муовини якуми раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён муҳокимаи парламентӣ «Оид ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2026» дар 9 моҳи соли 2026» баргузор гардид.
20.11.2026 09:01

Чаро “идеологияи миллӣ” дар паси таблиғоти “диндору бедин” ранг мебозад?

Тоҷикистони имрӯзӣ, ки тақрибан як аср қабл онро кишвари коммунистӣ мешинохтанд, бар асоси идеологияи коммунистӣ ё ба истилоҳи рӯшанфикрони “нав ба исломрасида”-и тоҷик “кишвари атеистӣ” ба ҳайси як давлату миллат дар ҳайати Иттиҳоди Шӯравӣ ташкил карда шуд.
19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.