19 Ноябр 2026,
панҷшанбе, 05:25, Душанбе
03.05.2025 08:51

Исроил 20 ҳамлаи маргбор барои ҳимояи дарузиҳо дар Сурия анҷом дод

Бо шиддат гирифтани низоъ миёни ҳукумати нави Сурия ва мардуми дарузиҳо Исроил ҳамлаҳои густурдаеро дар бархе минтақаҳои Сурия анҷом дод. Расонаҳо хабар доданд, ки Исроил чанд ҳадафро дар назди қасри президентии Сурия дар шаҳри Димишқ мавриди ҳамла қарор додааст.

Ҳукумати Исроил эълон кард, ки ҳамлаҳо ба шаҳри Димишқ “паёми рӯшан” ба ҳукумати Сурия аст, то ба аққалияти дарузиҳо осеб нарасонад. Созмони Дидбони ҳуқуқи башари Сурия гузориш дод, ки дар муддати хеле кам Исроил бо беш аз 20 маротиба ҳадафҳои низомӣ анҷом додааст.

Ин ҳамлаҳо дар ҳоле сурат мегирад, ки қаблан руҳониёни дарузӣ ва гурӯҳҳои шибҳанизомии пуштибони онҳо аз вафодории худ ба ҳукумати муваққатии Сурияи зери роҳбарии Аҳмад аш-Шаръ таъкид намуда буданд.  Онҳо бо пахши баёнияе аз ҳукумати ҷадиди Сурия хостанд, ки масъулини маҳаллии вилояти Сувайдо – маркази ҷамъияти дарузиҳоро - аз худи аққалияти дарузиҳо таъйин кунад.

Даргирӣ миёни дарузиҳо ва неруҳои амниятии ҳукумати нави Сурия дар як ҳафтаи ахир шиддат гирифтааст. Тибқи иттилои мақомоти маҳаллӣ дар минтақаҳои Ҷармана ва Саҳная дар наздикии шаҳри Димишқ беш аз 100 нафар кушта шудаанд.

Хабаргузории давлатии Сана хабар дод, ки дар як ҳамлаи ҳавопаймоҳои бесарнишини Исроил ба як ферма дар Сувайдо чор нафар аз низомиёни дарузӣ кушта шуданд. Тибқи гузориши ин расона, дар беш аз 20 ҳамлаи рӯзи ҷумъаи Исроил ба шаҳри Димишқ, Лозиқия ва Ҳамо як нафар кушта ва чаҳор нафар захмӣ шудаанд.

Хабаргузории фаронсавии “Франс-пресс” гузориш дод, ки садои таркишҳои ҳосилшуда аз ҳамлаҳои субҳи ҷумъаи Исроил дар наздикии қасри Аҳмад аш-Шаръ дар шаҳри Димишқ дар тамоми Сурия шунида шудааст.

Сухангӯи арабзабони артиши Исроил Увихай Адраӣ бо нашри баёнияе аз ҳамлаҳои ҷангандаҳои Исроил дар наздикии қасри Аҳмад аш-Шаръ дар шаҳри Димишқ хабар дод.

Бенямин Нетаняҳу, сарвазири Исроил  баъди ҳамлаҳои артиши Исроил гуфт, ки ин ҳамлаҳо “паёми рӯшан” ба ҳокимони нави Сурия аст: “Мо иҷозати истиқрори неруҳо дар ҷануби Димишқ ё эҷоди ҳеч гуна таҳдид бар зидди дарузиҳоро намедиҳем”.

Дафтари президенти Сурия ҳамлаҳои суратгирифтаро “шиддатёбии хатарнок бар зидди ниҳодҳои давлатӣ” номида, Исроилро ба ноором сохтани вазъ дар Сурия муттаҳам кардааст.

Антониу Гуттереш, дабири кулли Созмони Милали Муттаҳид ҳамлаҳои Исроилро нақзи ҳокимият дар Сурия донист ва онро маҳкум кард.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.