19 Ноябр 2026,
панҷшанбе, 05:25, Душанбе
22.04.2025 11:47

Дар ҳамлаҳои дурӯзаи Исроил ба Ғазза 92 нафар кушта ва 219 нафар захмӣ шудаанд

Вазорати тандурустии Ғазза эълон кард, ки дар натиҷаи ҳамлаҳои шадиди ҳавоии Исроил ба Навори Ғазза дар ду рӯзи ахир ҳадди аққал 92 фаластинӣ ба ҳалокат расида, 219 нафари дигар захмӣ шудаанд.

Вазорати тандурустии Ғазза рӯзи шанбе, 19-уми апрел аз ҳамлаи шабона ба хаймаҳои паноҳандагон дар Хонюнус хабар дод, ки боиси ҳалокати чандин кӯдак гардидааст.

Ин бомбаборонҳо дар ҳоле шиддат меёбанд, ки Исроил  6 ҳафта боз муҳосираи шадидро бар Навори Ғазза таҳмил карда, воридоти кумакҳои башардӯстона, маводи ғизоӣ ва сӯзишворӣ ба ин минтақаро масдуд кардааст.

Ин дар ҳолест, ки Додгоҳи байналмилалии адлия чанде қабл амр дода буд, ки Исроил бояд иҷозаи ворид шудани кумакҳои башардӯстонаро диҳад. Бо вуҷуди ин, ин хостаҳои ҷаҳонӣ то ҳол нодида гирифта шудааст.

Созмонҳои кумакрасон ҳушдор додаанд, ки вазъи ғизоӣ дар Ғазза буҳронӣ аст. Башира Халилӣ, масъули созмони Оксфам гуфт: “Кӯдакон рӯзона камтар аз як маротиба ғизо мехӯранд ва норасоии ғизо ва гуруснагӣ ба таври ошкоро эҳсос мешавад”.

Артиши Исроил баъди созиши муваққатӣ амалиёти низомии худро аз сар гирифта ва эълон кардааст, ки мехоҳад амалиётро рушд диҳад ва “минтақаҳои амниятӣ” –ро дар саросари Ғазза таъсис диҳад.

Вазорати тандурустии Ғазза гуфт, ки аз оғози ҷанг то ҳол беш аз 51 ҳазору 65 нафар кушта ва беш аз 116 ҳазору 500 нафар маҷруҳ шудаанд.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.