РУС ТОҶ
16 Сентябр 2026,
чоршанбе, 03:18, Душанбе
Диалог. Тоҷикистон ва ҷаҳон
РУС ТОҶ
Адолат
19.03.2025 10:51

Корманди ВКД дар Хатлон ба гумони гирифтани 20 ҳазор доллар боздошт шудааст

Нисбати як нафар корманди Раёсати Вазорати корҳои дохилии вилояти Хатлон ба гумони қаллобӣ парвандаи ҷиноятӣ боз шудааст. Дар ин хусус, аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон иттилоъ доданд.

Бар асоси иттилоъ, Агентии назорати давлатии молиявӣ ва мубориза бо коррупсия нисбати корманди Раёсати ВКД-и вилояти Хатлон ба гумони гирифтани пора дар ҳаҷми 20 ҳазор доллар парванди ҷиноятӣ боз кардааст. Ин корманди Раёсати ВКД дар вилояти Хатлон барои аз ҷавобгарии ҷиноятӣ озод намудани бародари як шаҳрванд 20 ҳазор доллар пора гирифта, корро ҳал накардааст.

Бар асоси иттилоъ, Назаров Ф.З. ба ҳайси ваколатдори оперативии шуъбачаи мубориза бар зидди гардиши ғайриқонунии маводи мухаддири қисми минтақавии Раёсати Вазорати корҳои дохилӣ дар вилояти Хатлон кор мекардааст.

“Бо истифода аз мақоми хидматӣ бо роҳи фиреб ба боварии шаҳрванд Х. М. даромада, аз номбурда бо баҳонаи қатъ кардан ва аз ҷавобгарии ҷиноятӣ озод намудани бародараш М. К., ки парвандаи ҷиноятии ӯ дар истеҳсоли кормандони ШВКД дар ноҳияи Хуросон мавриди тафтиши пешакӣ қарор дошт, маблағи умумии 20 ҳазор доллари ИМА-ро талаб кардааст” – хабар медиҳад Агентии назорати давлатии молиявӣ ва мубориза бо коррупсияи Ҷумҳурии Тоҷикистон.

Dialog.tj

Хатти хабарҳо

Таҳлилҳо
15.09.2026 18:25

Таҳлилгари исроилӣ: нишонаҳои шикасти стратегии Амрико дар ҷанги Эрон ошкор шудаанд

Як таҳлилгари исроилӣ менависад, ки Амрико дар ҳоле аз пирӯзӣ дар муқобили Эрон ҳарф мезанад, ки Пентагон аз коҳиши захираи аслиҳа хабар медиҳад. Дар канори он, нархи нафт ба 110 доллар афзоиш ёфта, гузаргоҳҳои стратегии Ҳурмуз ва Бобулмандаб дар зери муҳосираи неруҳои ҳомии Эрон қарор гирифтааст.
Энергетика
15.09.2026 15:42

‎Масъалаи ҷалби сармоягузорӣ барои бунёди неругоҳҳои барқи офтобӣ дар Тоҷикистон баррасӣ гардид

Дар шаҳри Душанбе вазири энергетика ва захираҳои оби Ҷумҳурии Тоҷикистон Далер Ҷумъа бо намояндагони ширкати «LONGi»-и Ҷумҳурии Мардумии Чин мулоқот намуд.
Саноат
15.09.2026 14:39

Шералӣ Кабир ва Ким Ҷонг Кван масъалаи истифодаи технологияҳои нав дар раванди истеҳсолотро баррасӣ карданд

14-ми сентябр дар шаҳри Сеул дар доираи ҷаласаи нахустини Механизми машваратии вазирони саноат дар формати «C5+1» мулоқоти вазири саноат ва технологияҳои нави Ҷумҳурии Тоҷикистон Шералӣ Кабир бо вазири савдо, саноат ва захираҳои Ҷумҳурии Корея Ким Ҷонг Кван баргузор гардид.
Сиёсати хориҷӣ
15.09.2026 11:13

Такмили ихтисоси наҷотдиҳандагон ва баргузории машқҳои муштарак. Мулоқоти Раҷабалӣ Раҳмоналӣ бо сафири Британияи Кабир дар Тоҷикистон

14-уми сентябр раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон генерал-полковник Раҷабалӣ Раҳмоналӣ бо сафири Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Кетрин Смиттон мулоқот намуд.
Афғонистон
15.09.2026 11:12

Толибон 10 нафарро ба иттиҳоми ҳамкорӣ бо Ҷабҳаи озодӣ дар Бадахшон боздошт кардаанд

Манобеи маҳаллӣ дар Бадахшони Афғонистон ба расонаҳои ин кишвар гуфтаанд, ки гурӯҳи террористии Толибон 10 нафарро дар ноҳияҳои Шукай ва Хоҳони вилояти Бадахшон ба иттиҳоми ҳамкорӣ бо Ҷабҳаи озодии Афғонистон боздошт кардаанд.
Ҷаҳон
15.09.2026 11:03

Шурои амният барои баррасии вазъи Бобулмандаб ҷаласаи изтирорӣ баргузор мекунад

Манобеи дипломатӣ мегӯянд, ки Шурои амнияти Созмони Милали Муттаҳид рӯзи сешанбе барои баррасии таҳаввулоти марбут ба тангаи Бобулмандаб ҷаласаи изтирорӣ баргузор хоҳад кард.
Матолиби ҷолиб дар ВАО
15.09.2026 10:52

Гузориши «Ню-Йорк Таймз» аз ошӯб дар Пентагон: Ҳегсет ба эҷоди фазои нобоварӣ муттаҳам мешавад

Рӯзномаи амрикоии «Ню-Йорк Таймз» дар гузорише аз он чӣ «ошӯби доимӣ» дар Вазорати ҷанги Иёлоти Муттаҳида таҳти роҳбарии Пит Ҳегсет, вазири ҷанг, номидааст, навиштааст, ки ин вазъият тавоноии мақомоти баландпояи низомиро барои тамаркуз ба авлавиятҳои амниятии ИМА коҳиш додааст.