Гандӣ: “Бо Исроил равобити стратегӣ дорем”
Русия: 275 ҳавопаймои бесарнишини Украинаро дар як шаб сарнагун кардем
Ҳомид Карзай: “Афғонистон бидуни таълими духтарон наметавонад ба пешрафт расад”
4 кишвари Осиёи Марказӣ мехоҳанд платформаи муштараки экологӣ таъсис диҳанд
Вазорати хориҷии Покистон: миёнаравӣ миёни Вашингтон ва Теҳрон идома дорад
Вазорати корҳои хориҷии Покистон аз идомаи талошҳои ин кишвар барои миёнаравӣ миёни Иёлоти Муттаҳидаи Амрико ва Эрон хабар дода, таъкид кардааст, ки ин раванд идома хоҳад ёфт.
Хабаргузории “Ваъ” гузориш медиҳад, ки Вазорати хориҷии Покистон эълон кардааст, бо вуҷуди баъзе монеаҳо дар иҷрои Ёддошти тафоҳуми Исломобод, талошҳои миёнаравӣ миёни Вашингтон ва Теҳрон ҳамоно идома доранд.
Сухангӯи ин вазорат аз ду ҷониб хостааст, ки ихтилофоти худро бар асоси тафоҳум ҳаллу фасл кунанд.
Сухангӯи Вазорати корҳои хориҷии Покистон дар нишасти хабарӣ гуфтааст, ки ёддошти тафоҳуми мазкур роҳи ҳалли ихтилофотро муайян мекунад. Ба гуфтаи ӯ, имзои ин ёддошт бо баргузории нишастҳо дар Бургенштоки Швейтсария ҳамроҳ буд, аммо иҷрои он ҳанӯз бо монеаҳо рӯбарӯ аст.
Вай ҳамчунин, афзудааст, ки вазири корҳои хориҷии Эрон зимни сафари ахири худ ба Исломобод масъалаи талошҳои миёнаравиро бо Шаҳбоз Шариф, нахуствазири Покистон ва генерал Осим Мунир баррасӣ карда, ҷонибҳо бар идомаи нақши Покистон дар ин раванд таъкид кардаанд.
Дар мавриди дигаргуниҳои минтақаӣ, Вазорати хориҷии Покистон хабар додааст, ки ин кишвар дар охири моҳи ноябр мизбони нишасти муштарак бо Арабистони Саудӣ ва Туркия хоҳад буд.
Ҳадафи ин нишаст баррасии иҷрои созишномаи муштараки дифоӣ ва тақвияти ҳамоҳангии ниҳодҳои се кишвар мебошад.
Сухангӯи Вазорати корҳои хориҷии Покистон таъкид кардааст, ки ин созишнома хусусияти дифоӣ дошта, зидди ҳеч кишвари дигар равона нашудааст.
Ин вазорат ҳамчунин, дар бораи қабули эътимодномаи намояндаи Исроил дар Конфронси халъи силоҳ аз ҷониби намояндаи Покистон тавзеҳ додааст.
Ба гуфтаи сухангӯи вазорат, ин иқдом танҳо дар доираи масъулияти Покистон ба ҳайси раиси конфронс ва бар асоси расмиёти ташрифотии Созмони Милали Муттаҳид анҷом шудааст ва ба маънои барқарории равобити дуҷониба бо Исроил нест.
Вазорати корҳои хориҷии Покистон бори дигар бар мавқеи доимии худ дар ҳимоят аз ташкили давлати мустақили Фаластин дар марзҳои пеш аз ҷанги соли 1967 ва бо пойтахт дар Байтулмуқаддаси Шарқӣ таъкид кардааст.
Dialog.tj
Хатти хабарҳо
Баҳси ҷадид дар парлумони Озарбойҷон: қатъи маблағгузории давлатии мактабҳои русӣ
Вазорати хориҷии Покистон: миёнаравӣ миёни Вашингтон ва Теҳрон идома дорад
Гандӣ: “Бо Исроил равобити стратегӣ дорем”
Русия: 275 ҳавопаймои бесарнишини Украинаро дар як шаб сарнагун кардем