21 Ноябр 2026,
шанбе, 15:41, Душанбе
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.

Агентии омори Тоҷикистон хабар дод, ки дар моҳҳои январ - сентябри соли ҷорӣ дар маҷмуъ 1 миллиону 730 ҳазор шаҳрванди хориҷӣ ба Тоҷикистон омадаанд. Ин нишондиҳанда нисбат ба ҳамин давраи соли гузашта 13, 6 фоиз бештар аст.

Аз шумори умумии воридшудагон 1 миллиону 550 ҳазор нафар ба ҳайси сайёҳ сабт шудаанд. Бар асоси иттилооти Созмони ҷаҳонии сайёҳӣ шумори онҳо дар муқоиса бо ҳамин давраи соли гузашта 23 фоиз афзоиш ёфтааст.

Дар миёни кишварҳои Иттиҳоди Давлатҳои Мустақил аз ҳама бештар шаҳрвандони Ӯзбекистон ба Тоҷикистон омадаанд. Шумори онҳо ба 842 ҳазору 500 нафар ё 48 фоизи ҳамаи меҳмонони хориҷӣ баробар шудааст.

Русия бо 513 ҳазору 100 нафар (29, 7 фоиз) дар мақоми дуюм ва Қирғизистон бо 150 ҳазору 400 нафар (8, 8 фоиз) дар ҷойи севум қарор доранд. Ҳиссаи шаҳрвандони Қазоқистон 2,1 фоизи шумори умумии меҳмонони хориҷиро ташкил додааст.

Дар маҷмуъ ба ҳисоби миёна кишварҳои узви Иттиҳоди Давлатҳои Мустақил 90 фоизи ҳамаи шаҳрвандони хориҷии ба Тоҷикистон омадаро ташкил медиҳанд.

Дар миёни кишварҳои берун аз ИДМ Чин бо 49 ҳазору 600 нафар дар мақоми аввал қарор дорад. Пас аз он Афғонистон бо 19 ҳазору 700, ИМА бо 12 ҳазору 800, Олмон бо 8 ҳазору 400 ва Эрон бо 8 ҳазору 300 нафар ҷой гирифтаанд.

Тибқи маълумоти нашршуда, ҳоло дар Тоҷикистон 192 ширкати сайёҳӣ ва 225 меҳмонхона фаъолият мекунанд. Аз шумораи меҳмонхонаҳо 9-тоаш панҷситора ва 31-тоаш чорситора мебошанд.

Dialog.tj

 

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.