Иқтисоди Тоҷикистон дар 9 моҳи соли 2026 8,3 фоиз рушд кардааст
Дастури Сардори Хадамоти алоқа: "Муроҷиатҳои шаҳрвандонро сари вақт баррасӣ намуда, камбудиҳоро бартараф созед
Бонки аврупоии таҷдид ва рушд: сармоягузорӣ дар Тоҷикистон 44,9 фоиз афзоиш ёфтааст
Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Иқтисоди Тоҷикистон дар 9 моҳи соли 2026 8,3 фоиз рушд кардааст
Маҷмуи маҳсулоти дохилии Тоҷикистон дар 9 моҳи соли 2026 ба 136,6 миллиард сомонӣ (муодили тақрибан 14,5 миллиард долар) расидааст. Ин нишондиҳанда нисбат ба ҳамин давраи соли гузашта 8,3 фоиз зиёд мебошад.
Дар ин бора АМИТ “Ховар” хабар дода, навишт, ки ҳаҷми Маҷмуи маҳсулоти дохилӣ дар ин муддат нисбат ба 9 моҳи соли гузашта 18,4 миллиард сомонӣ бештар шудааст.
Дар ҷараёни баррасии иҷрои буҷети давлатӣ дар 9 моҳи соли 2026 дар Маҷлиси намояндагони Маҷлиси Олии Ҷумҳурии Тоҷикистон ин рақамҳо эълон шуданд.
Дар нишаст зикр шуд, ки иқтисоди кишвар бо вуҷуди мушкилоти муҳити байналмилалӣ, аз ҷумла таҳримҳо ва маҳдудиятҳое, ки ба тиҷорату ҳамкориҳои иқтисодии хориҷӣ таъсир мерасонанд, рушди худро нигоҳ доштааст.
Тибқи иттилои ширкаткунандагони ҷаласа афзоиши нишондиҳандаҳои иқтисодӣ ба тадбирҳои давлатӣ барои ҷалби сармояи хориҷӣ ба лоиҳаҳои афзалиятнок, зиёд гардидани даромуду хароҷоти буҷет ва беҳтар шудани сатҳи зиндагии аҳолӣ рабт дорад.
Дар ин давра даромади буҷети давлатӣ 114, 9 фоизи нақшаи пешбинишударо ташкил додааст, ки аз иҷрои барзиёди ин нишондиҳандаҳо шаҳодат медиҳад.
Ҳамчунин, дар ҷаласа масъалаи ташкили захираҳои молиявӣ барои таъмин намудани устувории дарозмуддати иқтисод, дастгирии рушди иҷтимоию иқтисодӣ ва пешгирӣ аз хатарҳои эҳтимолии молиявӣ баррасӣ шудааст.
Ширкатдорони нишаст нишондиҳандаҳои рушди иҷтимоию иқтисодии кишварро дар моҳҳои январ-сентябри соли 2026 мусбат ва мутобиқ ба ҳадафҳои пешбинишуда арзёбӣ кардаанд.
Dialog.tj
Хатти хабарҳо
Тоҷикистон дар шохиси ҷаҳонии рушди сайёҳӣ берун монд
Ҳомид Карзай: “Афғонистон бидуни таълими духтарон наметавонад ба пешрафт расад”
4 кишвари Осиёи Марказӣ мехоҳанд платформаи муштараки экологӣ таъсис диҳанд
Тоҷикистон ва Ӯзбекистон ҳамкорӣ дар назорати сифати ҳаворо тақвият медиҳанд