18 Ноябр 2026,
чоршанбе, 14:31, Душанбе
18.11.2026 08:42

Дар Тоҷикистон партови гази карбон 14,2 фоиз афзоиш ёфтааст

Дар Тоҷикистон партовҳои гази карбон 14,2 фоиз афзоиш ёфтааст. Бар асоси ин нишондиҳанда, дар даҳ соли охир, ба ҳисоби миёна, дар ҳар сол 8,6 фоиз партови гази карбон афзоиш ёфтааст.

Дар ин хусус ширкати энергетикии итолиёвии “Eni Energy Review” дар гузориши худ хабар дода, зикр кард, ки ҳаҷми партовҳои гази карбон дар Тоҷикистон аз 4,2 миллион тонна дар соли 2015 то 8,9 миллион тонна дар соли 2024 расидааст. Ҳарчанд ин ширкат суръати афзоиши партовҳоро дар соли 2025 14,2 дарсад арзёбӣ кардааст, ҳаҷми умумии онҳо бо тонна дар гузориш нишон дода нашудааст.

Омори ин ширкат нишон медиҳад, ки ҳаҷми партовҳои гази карбон дар Тоҷикистон дар соли 2019 ба 6,9 миллион тонна расида буданд. Ин рақам дар соли 2020 то 7,3 миллион тонна ва дар соли 2021 то 7,4 миллион тонна афзоиш ёфт. Тамоюли болоравӣ дар солҳои баъдӣ низ идома карда, ҳаҷми партовҳо дар соли 2022 ба 7,6 миллион тонна, дар соли 2023 ба 7,8 миллион тонна ва дар соли 2024 ба 8,9 миллион тонна расид.

Дар муқоиса бо Тоҷикистон, дар соли 2025 афзоиши партовҳои гази карбон дар минтақаи Русия ва кишварҳои дигари Осиёи Марказӣ 3,1 дарсадро ташкил додааст. Суръати миёнаи солонаи афзоиш дар ин минтақа дар давраи солҳои 2015–2025 ба 1,8 дарсад баробар будааст.

Тибқи хулосаи гузориши ин ширкат, ҳаҷми умумии партовҳои гази карбон дар Русия ва Осиёи Марказӣ аз 1 миллиарду 941 миллион тонна дар соли 2015 то 2 миллиарду 276 миллион тонна дар соли 2024 афзоиш ёфтааст.

Гузориши мазкур ҳамчунин, аз афзоиши шумораи аҳолии Тоҷикистон хабар медиҳад. Тибқи ҳисобҳои гузориш аҳолӣ дар соли 2025 ба 10,8 миллион нафар расидааст, ки нисбат ба соли қаблӣ 1,8 дарсад зиёд мебошад. Суръати миёнаи солонаи афзоиши аҳолӣ дар давраи солҳои 2015–2025 ба 2,2 дарсад баробар шудааст.

Омори ширкат нишон медиҳад, ки шумораи аҳолии Тоҷикистон дар соли 2015 тақрибан 8,6 миллион нафар буд. Ин рақам дар соли 2019 ба 9,5 миллион, соли 2021 ба 10 миллион ва соли 2024 ба 10,6 миллион нафар расидааст. Гузориши “World Energy Review 2026-и Eni” вазъи энергетикаи ҷаҳон ва нишондиҳандаҳои марбут ба истеҳсолу истеъмоли энергия, партовҳои газҳои гулхонаӣ ва тағйироти демографиро дар кишварҳои гуногун таҳлил мекунад.

Dialog.tj

Хатти хабарҳо

18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.
18.11.2026 09:02

Чин: Бо ҳамаи кишварҳо ҳамкорӣ мекунем

Си Ҷинпин, роҳбари Чин мегӯяд, ки новобаста аз тағйироти вазъи байналмилалӣ, сиёсати кишвараш дар самти ҳамкорӣ бо ҳамаи давлатҳои ҷаҳон тағйир нахоҳад кард.
18.11.2026 07:32

Бонки аврупоии таҷдид ва рушд: сармоягузорӣ дар Тоҷикистон 44,9 фоиз афзоиш ёфтааст

Ҳаҷми сармоягузорӣ дар Тоҷикистон дар 9 моҳи соли 2026 нисбат ба ҳамин давраи соли гузошта 44,9 фоиз афзоиш ёфтааст. Дар ин давра маҷмуи маҳсулоти дохилии Тоҷикистон низ 8,3 фоиз зиёд шудааст.