17 Ноябр 2026,
сешанбе, 12:11, Душанбе
17.11.2026 10:51

Як мақоми олирутбаи ВКХ-и Амрико рӯзҳои оянда ба Тоҷикистон сафар мекунад

Муовини котиби давлатии Иёлоти Муттаҳидаи Амрико Кристофер Ландау дар доираи сафари минтақавӣ аз 16 то 24-уми ноябр ба Тоҷикистон, Туркия ва Туркманистон сафар мекунад. Дар Душанбе ӯ бо мақомоти баландпояи Тоҷикистон ва намояндагони бахши хусусӣ мулоқот карда, густариши ҳамкориҳои дуҷонибаро баррасӣ мекунад.

Дар ин бора дафтари матбуоти Вазорати корҳои хориҷии Амрико хабар дода, гуфт, ки яке ҳадафҳои асосии сафари Кристофер Ландау тақвияти ҳамкориҳо дар самтҳои робитаҳои минтақавӣ, рушди иқтисодӣ, технологияҳои ҳуши маснуӣ ва навовариҳо мебошад.

Интизор меравад, ки муовини котиби давлатӣ ҳамчунин, масъалаҳои амниятӣ, аз ҷумла мубориза бо терроризм ва ҷинояткории фаромиллиро баррасӣ карда, аҳамияти шарикии амниятии Вашингтон ва Душанберо таъкид намояд.

Дар ҷараёни сафар ҷонибҳо ҳамчунин, ёддошти тафоҳум дар соҳаи тандурустиро дар доираи Стратегияи ҷаҳонии тандурустии ҳукумати президенти ИМА баррасӣ мекунанд. Ба иттилои Вазорати корҳои хориҷии Амрико, Кристофер Ландау ҳамзамон манфиатҳои тиҷоратии ИМА-ро пеш бурда, аз ҳифзи мероси фарҳангӣ ва нақши сармоягузориҳои амрикоӣ дар фароҳам овардани имкониятҳои иқтисодӣ барои ҳар ду кишварро ҳимоят хоҳад кард.

Пас аз анҷоми боздид аз Тоҷикистон, Ландау ба Истанбул меравад. Ӯ дар Туркия бо мақомоти баландпояи давлатӣ ва намояндагони бахши тиҷорат мулоқот карда, роҳҳои густариши ҳамкориҳои дуҷониба, рушди робитаҳои тиҷоратӣ ва таъмини амнияти энергетикӣ ва занҷираҳои таъминотро баррасӣ мекунад.

Марҳилаи ниҳоии сафари муовини котиби давлатии ИМА дар Ашқобод баргузор мешавад. Қарор аст ӯ бо роҳбарони Туркманистон ва намояндагони ширкатҳои туркманиву амрикоӣ мулоқот кунад.

Ба гуфтаи Вазорати корҳои хориҷии ИМА, Вашингтон ҷонибдори густариши ҳамкорӣ бо Ашқобод дар самти диверсификатсияи содироти энергия тавассути долони фарохазарӣ ва тарҳи “Масири Трамп барои сулҳ ва шукуфоии байналмилалӣ” мебошад.

Дар ин мулоқотҳо ҳамчунин, масъалаҳои афзоиши тиҷорат, сармоягузорӣ ва тақвияти робитаҳои иқтисодии минтақавӣ баррасӣ хоҳанд шуд.

Dialog.tj

Хатти хабарҳо

17.11.2026 10:58

Тими футболи Тоҷикистон барои ба даст овардани Ҷоми шоҳ бо тими Тайланд рақобат мекунад

Мунтахаби Тоҷикистон рӯзи 17-уми ноябр дар бозии ниҳоии мусобиқаи байналмилалии “Ҷоми шоҳ” (King’s Cup) бо тими миллии Тайланд рақобат мекунад. Вохӯрӣ дар варзишгоҳи музофотии Сисакети Тайланд, соати 19:30 ба вақти маҳаллӣ (17:30 ба вақти Душанбе) оғоз мешавад.
17.11.2026 10:51

Як мақоми олирутбаи ВКХ-и Амрико рӯзҳои оянда ба Тоҷикистон сафар мекунад

Муовини котиби давлатии Иёлоти Муттаҳидаи Амрико Кристофер Ландау дар доираи сафари минтақавӣ аз 16 то 24-уми ноябр ба Тоҷикистон, Туркия ва Туркманистон сафар мекунад. Дар Душанбе ӯ бо мақомоти баландпояи Тоҷикистон ва намояндагони бахши хусусӣ мулоқот карда, густариши ҳамкориҳои дуҷонибаро баррасӣ мекунад.
17.11.2026 09:44

Путин баъди дидор бо Трамп ва Ҷинпин рӯзҳои 18 ва 19-уми ноябр ба Душанбе меояд

Президенти Федератсияи Русия Владимир Путин баъди дидор бо Доналд Трамп, президенти Иёлоти Муттаҳидаи Амрико ва Си Ҷинпин, роҳбари Ҷумҳурии мардумии Чин дар Чин бо сафари расмӣ рӯзҳои 18 ва 19-уми ноябр ба шаҳри Душанбе меояд.
17.11.2026 09:24

Сироҷиддин Муҳриддин ва Муҳаммад Исҳоқ Дор масъалаҳои тиҷорат ва энергетикаро баррасӣ карданд

Вазири корҳои хориҷии Тоҷикистон Сироҷиддин Муҳриддин рӯзи 16-уми ноябр дар ҳошияи Иҷлоси 30-юми Шурои вазирони корҳои хориҷии Созмони ҳамкории иқтисодӣ (СҲИ) бо вазири корҳои хориҷии Ҷумҳурии Исломии Покистон Муҳаммад Исҳоқ Дор мулоқот кард.
17.11.2026 09:19

Даври ниҳоии озмуни ҷумҳуриявии «Доирабазм» доир мегардад

Тибқи иттилои маркази матбуоти Вазорати фарҳанги Ҷумҳурии Тоҷикистон, дар даҳаи сеюми моҳи ноябр дар Филармонияи давлатии Тоҷикистон ба номи А. Ҷӯраев даври ниҳоии озмуни ҷумҳуриявии созҳои зарбӣ «Доирабазм» баргузор мегардад.
17.11.2026 09:18

Сироҷиддин Муҳриддин таҳкими ҳамкориҳои кишварҳои узви СҲИ-ро амри зарурӣ донист

16-уми ноябр вазири корҳои хориҷии Ҷумҳурии Тоҷикистон Сироҷидин Муҳриддин дар 30-умин ҷаласаи Шурои вазирони корҳои хориҷии кишварҳои узви Созмони ҳамкории иқтисодӣ (СҲИ) иштирок намуд.
17.11.2026 09:17

Тоҷикистону Қазоқистон ҳамкориҳои дуҷониба дар самти ҳифзи муҳити зистро муҳокима карданд

Дар ҳошияи Конфронси 31-уми тарафҳои Конвенсияи қолабии Созмони Милали Муттаҳид оид ба тағйирёбии иқлим (COP31) раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо вазири экология ва захираҳои табиии Ҷумҳурии Қазоқистон Алибек Куантиров мулоқот намуд.
16.11.2026 13:48

Трамп, Путин ва Ҷинпин дар дидори таърихӣ дар Чин баҳси атомӣ ва Украинаро ҳал мекунанд?

Қарор аст раҳбарони Иёлоти Муттаҳида, Русия ва Чин ҳафтаи оянда дар шаҳри Шэнҷени Чин мулоқот кунанд. Ин нишаст, ки метавонад ба яке аз рӯйдодҳои муҳимми дипломатии солҳои охир табдил ёбад, дар ҳоле баргузор мешавад, ки се кишвар дар мавриди масъалаҳои калидии байналмилалӣ мавқеъҳои гуногун доранд.
16.11.2026 13:40

Масъалаи иштироки ҳунармандони Тоҷикистон дар чорабиниҳои байналмилалӣ баррасӣ гардид

Имрӯз, 16-уми ноябр вазири фарҳанги Ҷумҳурии Тоҷикистон Матлубахон Сатториён бо намояндагони Шӯрои ҷаҳонии ҳунармандӣ ва Бозори байналмилалии ҳунарҳои мардумии Санта-Фе вохӯрӣ намуд.
16.11.2026 13:37

Чаҳор кишвар аз Исроил хостанд, ки ба вуруди кумакҳои башардӯстона ба Ғазза иҷозат диҳад

Вазирони корҳои хориҷии Австралия, Канада, Британияи Кабир ва Италия дар як изҳороти муштарак аз Исроил даъват карданд, ки барои ворид шудани кумакҳои башардӯстона ба навори Ғазза иҷозат диҳад.