Созмони Афви байналмилал бо ишора ба судури ҳукми боздошти Бенямин Нетаняҳу, нахуствазири Исроил, аз сӯйи Додгоҳи ҷиноии байналмилал, аз кишварҳо хоста, ки дар сурати ворид шудани Нетаняҳу ба хокашон, ӯро боздошт кунанд.

Ин созмон, 5-уми октябр, дар сафҳаи “Х”, кишварҳои узви Додгоҳи байналмилалии ҷиноиро, муваззаф ба боздошти Нетаняҳу донистааст.

Бар асоси баёнияи ин созмон, сиёсатҳо ва иқдомҳои давлати Нетаняҳу марбут ба густариши шаҳраксозиҳо ва нақзҳои ҷиддии ҳуқуқи башар дар Каронаи Бохтарӣ ва Навори Ғазза, маҳкум шудааст.

Афви байналмилал гуфтааст: “Додгоҳи ҷиноии байналмилал дастур барои боздошти Бенямин Нетаняҳу, нахуствазири Исроил ва дигар бозигарони ин ҷиноят дар даргирӣ содир кард. Афви байналмилал ёдоварӣ мекунад, ки кишварҳои узви додгоҳ муваззафанд ба таври қонунӣ Нетаняҳуро дар сурати ворид шудан ба қаламравҳояшон дастгир ва интиқол диҳанд”.

Бо ин ҳол, ҳарчанд аз судури ҳукми Додгоҳи байналмилалии ҷиноӣ алайҳи Нетаняҳу муддати зиёде мегузарад, аммо то кунун кишваре иқдом ба боздошти ӯ накардааст.

Dialog.tj