РУС ТОҶ
5 Октябр 2026,
душанбе, 15:10, Душанбе
Диалог. Тоҷикистон ва ҷаҳон
РУС ТОҶ
Афғонистон
05.10.2026 11:16

Мақомоти Эрон 31 нафарро ба гумони ҳамкорӣ бо Амрико ва Исроил боздошт карданд

Вазорати иттилоот (амният)-и Эрон мегӯяд, 31 нафарро дар вилояти Кирмон ба гумони ҳамкорӣ бо Иёлоти Муттаҳидаи Амрико ва Исроил боздошт карданд

Бино ба гузориши шабакаи “Ал-Ҷазира”, ки 4-уми октябр нашр шудааст, мақомоти Эрон гуфтаанд, ки аз назди боздоштшудагон миқдори зиёди маводи тарканда ва “коктейлҳои Молотов” пайдо кардаанд.

Мақомоти амниятии Эрон дар бораи ҳувият ва ҷузъиёти парвандаи боздоштшудагон маълумоти бештар пешниҳод накардаанд.

Ин боздоштҳо дар ҳолест, ки дар моҳҳои охир мақомоти Эрон садҳо нафарро бо иттиҳоми ҷосусӣ ва ҳамкорӣ бо ИМА ва Исроил боздошт кардаанд.

Бархе аз парвандаҳои марбут ба ин иттиҳомҳо ба ҳукми қатл анҷомидаанд. Ин иқдомҳои мақомоти Эрон қаблан бо вокуниши кишварҳои дигар ва созмонҳои байналмилалии ҳуқуқи башар рӯбарӯ шуда буданд.

Мақомоти Эрон дар чунин парвандаҳо маъмулан муттаҳамонро ба ҳамкорӣ бо хадамоти ҷосусии кишварҳои хориҷӣ айбдор мекунанд. Аммо ҷузъиёти бисёре аз ин парвандаҳо ба таври мустақил тасдиқ нашудаанд.

Dialog.tj

Хатти хабарҳо

Эрон
05.10.2026 11:37

Қолибоф: “Эрон ҳам меҷангад ва ҳам музокира мекунад”

Муҳаммабоқир Қолибоф, раиси Маҷлис (парлумон)-и Эрон гуфт, ки Теҳрон ҳамзамон бо идома ёфтани ҷанг ё муқовимати низомӣ аз абзори дипломатӣ истифода хоҳад кард. Ӯ гуфт, то замоне, ки ҳафт шарти Эрон тибқи “Тавофуқномаи Исломобод” иҷро нашавад, тангаи Ҳурмуз боз нахоҳад шуд.
Вилояти Хатлон
05.10.2026 08:00

Сарвари давлат дар ноҳияи Фархор бинои Шуъбаи КДАМ-ро ифтитоҳ намуданд

4-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни сафари корӣ дар маркази ноҳияи Фархор бинои нави Шуъбаи ноҳиявии Кумитаи давлатии амнияти миллии Ҷумҳурии Тоҷикистонро мавриди баҳрабардорӣ қарор доданд.