СММ: террористон дар Афғонистон ба силоҳҳои тактикӣ дастрасӣ пайдо кардаанд
Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”
Намояндаи Путин: Аврупо ба сӯи фурӯпошӣ ва бесарусомонӣ меравад
Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад
Амирхон Мутаққӣ дар нишасти “Формати Маскав” бо Сергей Лавров дидор мекунад
Дар шаҳри Маскави Федератсияи Русия, нишасти ҳаштуми “Формати Маскав” бо ҳузури намояндагони олии кишварҳо ва намояндагони гурӯҳи террористии Толибон доир мегардад.
Дар ин бора Мария Захарова, сухангӯи Вазорати корҳои хориҷии Русия иттилоъ дода, афзуд, ки дар ин нишаст намояндагони хос ва мақомоти баландпояи Русия, Эрон, Чин, Ҳинд, Покистон, Қазоқистон, Қирғизистон, Тоҷикистон ва Ӯзбекистон ширкат менамоянд.
Тибқи иттилоъ, Амирхон Мутаққӣ, вазири корҳои хориҷии ҳукумати террористии Толибон барои ширкат дар ҳаштумин нишасти “Формати Маскав” оид ба Афғонистон ба Русия рафт.
Гуфта мешавад, ки дар ин нишаст намояндагони Ҷумҳурии Тоҷикистон низ ширкат мекунанд.
Ҳофиз Зиё Аҳмад, раиси иттилоот ва робитаҳои ҷамъиятии Вазорати корҳои хориҷии Толибон рӯзи якшанбе, 4-уми октябр хабар дод, ки Мутаққӣ дар ин нишаст дар хусуси вазъияти кунунии Афғонистон суханронӣ хоҳад кард.
Ин нишаст дар замоне доир мешавад, ки вазъияти амниятӣ дар Афғонистон ва танишҳои ин кишвар бо Покистон аз масъалаҳои асосии мавриди таваҷҷуҳи кишварҳои минтақа ба шумор меравад.
Гуфта мешавад, ки дар нишасти “Формати Маскав” масъалаҳои ҳамкории сиёсиву иқтисодӣ, мубориза бо терроризм ва қочоқи маводи мухаддир баррасӣ мешавад.
“Формати Маскав” соли 2017 бо ташаббуси Русия барои муҳокимаи вазъияти Афғонистон ва ҷалби кишварҳои минтақа ба раванди ҳалли масъалаҳои вобаста ба ин кишвар ташкил шудааст.
Dialog.tj
Хатти хабарҳо
Дидори таърихии Трамп, Ҷинпин, Путин ва саволҳои беҷавоб дар бораи Украина
Муаррифии “Тоҷикистон - гаҳвораи таърих ва тамаддун дар Мовароуннаҳр (Осиёи Марказӣ)” дар Миср
Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард
Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст