22 Ноябр 2026,
якшанбе, 21:11, Душанбе
29.09.2026 12:11

Мақоми эронӣ: Трамп намедонад аз музокирот бо Эрон чӣ мехоҳад

Як мақоми эронӣ ба расонаи “Палитико” (Politico) гуфтааст, ки Доналд Трамп ҳанӯз мавқеи рӯшан ва мушаххасе дар бораи он ки аз музокирот бо Эрон чӣ мехоҳад, надорад. Ба гуфтаи ӯ, ҳамин номуайянӣ расидан ба як созиши мушаххасро душвор кардааст.

Ин мақоми эронӣ, ки нахоста номаш ошкор шавад, дар суҳбати матнӣ бо “Politico” гуфтааст, ки тағйирёбии мавқеи Трамп дар қиболи Эрон яке аз мушкилоти асосии музокирот аст.

Ӯ гуфтааст, то ҳол маълум нест, ки ҷониби Амрико барои расидан ба чӣ гуна созиш омода аст ва ҳадафи дарозмуддати Вашингтон дар ҳар марҳилаи музокирот чист.

Ба гуфтаи ин мақоми эронӣ, чунин вазъ гузаштан аз марҳилаи гуфтугӯҳо ва расидан ба як созиши мушаххасу амалиро душвор мекунад.

Ин изҳорот дар ҳолест, ки Трамп аз як тараф аз хоҳиши худ барои пешбурди дипломатия бо Эрон сухан мегӯяд, аммо аз ҷониби дигар, пешниҳоди ахири Эрон дар бораи боз кардани тангаи Ҳурмуз дар иваз ба лағви муҳосираи баҳриро рад кардааст.

Трамп дар посух ба хабарнигорон гуфтааст, ки Эрон мехоҳад ба созиш бирасад ва ӯ низ созиш карданро дӯст медорад, аммо созиши пешниҳодшуда барои Вашингтон қобили қабул нест.

Дар ҳамин ҳол, тибқи гузориши “Politico”, мақомҳои амрикоӣ иддао доранд, ки Теҳрон дар пешниҳоди нави худ талабҳои зиёдеро матраҳ кардааст, дар ҳоле ки имтиёзҳои чандоне пешниҳод намекунад.

Як мақоми Амрико гуфтааст, ба назар мерасад, ки Эрон мехоҳад Иёлоти Муттаҳида аз ибтидо имтиёзҳои зиёде диҳад ва баъдан умедвор бошад, ки Теҳрон ба уҳдадориҳои худ амал мекунад.

Ба гуфтаи ин мақоми амрикоӣ, пешниҳоди Теҳрон дар ниҳоят метавонад ба вазъе оварда расонад, ки назорати тангаи Ҳурмуз дар ихтиёри Эрон боқӣ монад ва ин кишвар аз он даромад ба даст орад.

Dialog.tj

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.