Поп Леои XIV-ум дар ҷараёни сафараш ба Фаронса, бо қурбониёни озори ҷинсӣ тавассути аъзои калисо дар ин кишвар дидор карда ва ваъда додааст, ки ҷилави ин гуна рафторҳоро дар миёни аъзои калисои католикӣ мегирад.

Хабаргузории Фаронса, рӯзи душанбе, 28-уми сентябр, гузориш дод, ки Поп дар дидор бо қурбониёни озори ҷинсии калисо дар Фаронса, гуфтааст, ки мутааҳҳид ба ҷилавгирӣ аз осебҳои бештар аст.

Бар асоси гузориш, Поп бо ҳафт тан аз қурбониёни озори ҷинсӣ, ки акнун бузургсол ҳастанд, дидори хусусӣ доштааст.

Ин дидор пас аз он сурат мегирад, ки расвоиҳои озори ҷинсӣ аз сӯйи аъзои калисои католикӣ дар нуқоти мухталифи ҷаҳон афзоиш ёфтааст.

Ин дар ҳолест, як таҳқиқ дар соли 2021-и мелодӣ нишон дод, ки рӯҳониён ё аъзои ғайрирӯҳонии калисо тайи 70 сол, ҳудуди 330 ҳазор кӯдак ва наврасро дар Фаронса мавриди озор қарор додаанд.

Бо ин ҳол, Поп Лео пештар дар нишасте хоста буд, то ба мубориза бо хушунатҳои ҷинсӣ ва ҷисмонӣ идома диҳанд.

Dialog.tj