Намояндаи Путин бо Толибон дар бораи ҳамкориҳои тиҷоратӣ ва мубориза бо маводи мухаддир гуфтугӯ кард
Дар Пактиёи Афғонистон коргарони тоҷиктабори Ҳилоли Аҳмарро аз кор барканор кардаанд
Аврупо мегӯяд музокира бо Толибон бузургтарин арзишҳои Аврупоро зери по мекунад
Трамп: “Нафрати миёни Путин ва Зеленский монеаи асосии сулҳи Украина аст”
22.09.2026 10:52
Ироқчӣ: “Мақомоти Эрон аз ҳаққи мардуми худ дар шаҳри Ню-Йорк дифоъ мекунанд”
Сайид Аббос Ироқчӣ, вазири корҳои хориҷии Эрон дар оғози сафараш ба шаҳри Ню-Йорк дар суҳбат бо расонаҳои эронӣ гуфт, ҳадафи асосии сафари ҳайати эронӣ ба Амрико ва суханронӣ дар минбари Созмони Милали Муттаҳид ҳимояи ҳуқуқу манфиатҳои мардуми Эрон аст.
Ӯ гуфт, сафари ҳайати эронӣ ба шаҳри Ню-Йорк дар шароити даргириҳои низомӣ сурат мегирад. Ӯ зикр кард, ки Созмони Милали Муттаҳид яке аз муҳимтарин минбарҳои байналмилалӣ барои баён намудани мавқеи кишварҳо ба ҷомеаи ҷаҳонӣ аст.
Сайид Аббос Ироқчӣ гуфт, Эрон дар нишасти солонаи Маҷмаи умумии Созмони Милали Муттаҳид мехоҳад дар бораи вазъияти мардуми Эрон ва талафоти ҷонӣ дар ҷараёни ҷанг сухан гӯяд.
Вазири корҳои хориҷии Эрон гуфт, раиси ҷумҳури Эрон дар ҷараёни сафари корӣ дар Маҷмаи умумии СММ суханронӣ намуда, бо намояндагони расона, зиёиён ва муҳаққиқони эрониву хориҷӣ мулоқот хоҳад кард. Ӯ гуфт, Масъуд Пизишкиён дар ин сафар бо расонаҳои мухталиф суҳбат ва бо роҳбарони кишварҳои дигар мулоқотҳои дуҷониба хоҳад дошт.
Сайид Аббос Ироқчӣ аз коҳиши эътимод ба Созмони Милали Муттаҳид интиқод кард. Ӯ гуфт, шиори имсоли Маҷмаи умумии СММ - “Эҳёи эътимод ба Созмони Милал” нишон медиҳад, ки барқарор намудани эътимод нисбат ба ин созмон барои кишварҳои узв хеле муҳим аст.
Вазири корҳои хориҷии Эрон аз мавқеи кишварҳои ғарбӣ дар муқобили низоъ дар Ғазза, Лубнон ва Эрон интиқод намуд.
Ба гуфтаи ӯ, масъалаи нақши Созмони Милали Муттаҳид дар низоъҳои байналмилалӣ ва самаранокии механизмҳои он барои ҳифзи сулҳу амният аз мавзуъҳои баҳсбарангези кишварҳои узв боқӣ мондааст.
Dialog.tj
Хатти хабарҳо
10.11.2026 18:28
Трамп: “38 пули Эрон дар тирраси мост / Ироқчӣ: “Бароятон ҷаҳаннам барпо мекунем
Мақомоти Амрикову Эрон дар шабакаҳои иҷтимоӣ бо ҳушдорҳои оташин ҳамдигарро бо ҳамлаҳои нав таҳдид мекунанд.
10.11.2026 18:22
Раёсати созмони СААД ба Тоҷикистон мегузард. Президентҳои аъзои СААД дар Маскав чиро баррасӣ мекунанд?
Сарони кишварҳои узви Созмони аҳдномаи амнияти Дастаҷамъӣ имрӯз, 10-юми ноябр бо сафари расмӣ барои ширкат дар нишасти ин созмон ба шаҳри Маскав сафар карданд. Пешвои миллат муҳтарам Эмомалӣ Раҳмон ва роҳбарони дигари кишварҳои узви ин созмон аллакай озими Русия шуданд.
10.11.2026 18:10
Намояндаи Путин бо Толибон дар бораи ҳамкориҳои тиҷоратӣ ва мубориза бо маводи мухаддир гуфтугӯ кард
Замир Кобулов, намояндаи вижаи президенти Федератсияи Русия Владимир Путин рӯзи 10-юми ноябр дар Кобул бо Вазири корҳои хориҷии гурӯҳи террористии Толибон Амирхон Муттақӣ мулоқот намуда, дар баробари масъалаҳои сиёсиву иқтисодӣ, вазъияти мубориза бо маводи мухаддирро баррасӣ намуд.
10.11.2026 15:53
Сафари кории Президенти кишвар ба Федератсияи Русия
Имрӯз, 10-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои иштирок дар ҷаласаи навбатии Шурои амнияти дастҷамъии Созмони Аҳдномаи амнияти дастҷамъӣ ба шаҳри Москваи Федератсияи Русия сафар карданд.
10.11.2026 14:07
Иддаои ҷангталабонаи Трамп: “Миқёси ҳамлаи дубора ба Эрон панҷ баробар бузургтар хоҳад буд”
Доналд Трамп, раисҷумҳури Иёлоти Муттаҳидаи Амрико ҳушдор дод, ки миқёси ҳамлаи нави низомӣ ба Эрон метавонад аз амалиёти қаблӣ панҷ баробар бештар бошад.
10.11.2026 14:03
Дар Пактиёи Афғонистон коргарони тоҷиктабори Ҳилоли Аҳмарро аз кор барканор кардаанд
Дар вилояти Пактиёи Афғонистон аз кор барканор намудани чанд коргари тоҷиктабори Ҳилоли Аҳмар ва ба ҷойи онҳо таъйин намудани афроди наздик ба роҳбари ин ниҳод боиси нигаронӣ шудааст. Сарчашмаҳои маҳаллӣ ин иқдомро нишонаи хусумати қавмӣ ва хешутаборбозӣ дар сохтори як созмони башардӯстона медонанд.
10.11.2026 13:58
Аврупо мегӯяд музокира бо Толибон бузургтарин арзишҳои Аврупоро зери по мекунад
Намояндаи парлумони Аврупо дар Фаронса гуфт, ки музокироти кишварҳои аврупоӣ бо гурӯҳи террористии Толибон дар хусуси бозгардондани паноҳҷӯёни афғон боиси зери по шудани мавқеи Аврупо дар масъалаи ҳуқуқи инсон ва расман эътироф накардани ҳукумати Толибон шавад.
10.11.2026 11:55
Пешвои миллат: "Фаъолият дар мақомоти корҳои дохилӣ рамзи садоқат ба давлату миллат, эҳтиром ба қонун, ҳимояи сулҳу субот ва қонунияту тартибот мебошад"
Имрӯз, 10-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷамъомади тантанавӣ ба ифтихори Рӯзи милитсияи тоҷик иштирок ва суханронӣ намуданд.
10.11.2026 11:54
Литсеи Дурахшандагони Вазорати корҳои дохилӣ ифтитоҳ гардид
Имрӯз, 10-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Шоҳмансури пойтахт бинои муассисаи давлатии таълимии литсеи Дурахшандагони Вазорати корҳои дохилии Ҷумҳурии Тоҷикистонро ифтитоҳ намуданд.
10.11.2026 10:06
Қазоқистон содироти гандум ба Тоҷикистонро зиёд мекунад
Ҷумҳурии Тоҷикистон мехоҳад ҳаҷми воридоти гандум аз Қазоқистонро зиёд кунад. Мақомоти ду кишвар барои воридоти гандум ва густариши ҳамкориҳо дар соҳаи кишоварзӣ бо ҳам гуфтугӯ намудаанд. Ин раванд дар ҳоле баррасӣ мешавад, ки Қазоқистон аз ҳоло яке аз таъминкунандагони асосии бозори Тоҷикистон бо ғалладона ба шумор меравад.
10.11.2026 09:58
Боздошти шаш ноболиғ: аз хонаи шаҳрвандон пулу ҷавоҳирот ва телефони мобилӣ дуздидаанд
Мақомоти интизомии пойтахт шаш ноболиғро дастгир кард, ки ба содир намудани ҷинояти дуздӣ гумонбаранд.
10.11.2026 09:57
“Суперчемпион”-ҳо аз Тоҷикистон. Дастоварди назарраси хонандагони тоҷик аз Олимпиадаи ҷаҳонӣ
Тибқи иттилои маркази матбуоти Вазорати маориф ва илми Ҷумҳурии Тоҷикистон, дар шаҳри Остонаи Қазоқистон Олимпиадаи ҷаҳонӣ оид ба арифметикаи зеҳнӣ бо иштироки намояндагони 10 кишвари ҷаҳон баргузор гардид.