РУС ТОҶ
23 Октябр 2026,
ҷумъа, 21:52, Душанбе
Диалог. Тоҷикистон ва ҷаҳон
РУС ТОҶ
Саноат
08.09.2026 13:15

Истеҳсоли саноати Тоҷикистон дар ҳафт моҳ 13,1% зиёд шуд

Истеҳсоли саноати Ҷумҳурии Тоҷикистон дар 7 моҳи соли 2026 бо суръати назаррас рушд карда ва бахши коркард ба яке аз муҳаррикҳои асосии ин афзоиш табдил ёфтааст.

Тибқи арзёбии Бонки рушди Авруосиё ҳаҷми истеҳсолоти саноатӣ дар Ҷумҳурии Тоҷикистон аз январ то июли соли 2026 нисбат ба ҳамин давраи соли гузашта 13, 1 фоиз бештар шудааст.

Натиҷаҳои таъсирбахш ба саноати коркард рост меояд. Бахши истеҳсолот дар як моҳ 24,7 фоиз афзоиш ёфтааст.

Бар асоси арзёбии таҳлилгарони Бонки рушди Авруосиё чунин суръати афзоиш метавонад аз боло рафтани сатҳи технологӣ ва тағйирёбии сохтори истеҳсолоти саноатии кишвар дарак диҳад.

Бар асоси иттилоъ, афзоиши саноат дар шароите ба даст омадааст, ки фаъолияти иқтисодӣ ва талабот дар дохили кишвар низ рушд ёфтааст.

Дар моҳҳои январ - июли соли ҷорӣ ҳаҷми савдои чакана дар Тоҷикистон нисбат ба ҳамин даври соли 2025 30,4 фоиз зиёд шуд. Сармоягузорӣ бошад, 35,9 фоиз афзоиш ёфтааст.

Дар баробари ин, содироти кишвар ба ҳисоби доллар 57,2 фоиз боло рафт, ки аз афзоиши фаъолияти иқтисодии Тоҷикистон дар бозорҳои хориҷӣ низ шаҳодат медиҳад.

Иттилооти расмӣ нишон дод, ки ҳаҷми умумии маҳсулоти саноатӣ дар Тоҷикистон дар 7 моҳи соли гузашта ба 39,46 миллиард сомонӣ расидааст. Ҳаҷми истеҳсолот дар ҳамин давра нисбат ба соли гузашта 13,1 фоиз зиёд шудааст.

Дар ҳамин ҳол, бахши коркард тақрибан 20, 32 миллиард сомонӣ маҳсулот истеҳсол намуд ва афзоши он 24,7 фоизро ташкил медиҳад.

Ин нишондиҳанда дар ҳолест, ки дар баъзе бахшҳои истихроҷӣ натиҷаҳо заиф мебошанд. Масалан, истеҳсоли нафту газ дар моҳҳои январ - июли соли ҷорӣ нисбат ба ҳамин давраи соли гузашта, 38,1 фоиз коҳиш ёфтааст.

Бонки рушди Авруосиё бар ин назар мебошад, ки афзоиши талаботи дохиливу хориҷӣ дар идомаи сол метавонад ба иқтисоди Тоҷикистон такони бештар диҳад. Бонки рушди Авруосиё рушди иқтисоди кишварро дар соли 2026 дар сатҳи 8,3 фоиз пешбинӣ мекунад.

Dialog.tj

Хатти хабарҳо

Афғонистон
23.10.2026 14:15

Толибон бе Тоҷикистону Чин роҳи Долони Вахонро боз карданд. Чин гуфт, роҳ баста мемонад

Чанд рӯз қабл масъулони гурӯҳи террористии Толибон бидуни ҳузури Чин роҳи Долони Вахонро, ки Афғонистонро бо Чин мепайвандад, ифтитоҳ намуданд. Чин фавран изҳорот дод, ки роҳ ба таври якҷониба аз сӯйи масъулони Толибон ифтитоҳ шуда, баста боқӣ мемонад ва ҳеч гуна равобити транзитӣ дар ин минтақа сурат нахоҳад гирифт.
Муноқишаи Русия ва Украина
23.10.2026 13:55

Путин: “Шикасти Русия дар ҷанг ғайриимкон аст”

Владимир Путин, раиси ҷумҳури Русия изҳор дошт, ки шикасти ин кишвар дар майдони ҷанг ғайриимкон буда, идеяи расонидани шикасти стратегӣ ба Маскав воқеӣ нест. Ӯ ҳамчунин, гуфт, ки Русия нияти ҷанг бо Аврупоро надорад.
Чин
23.10.2026 13:45

Заминларза бо қувваи 7 бал дар Тибет: 16 нафар ба ҳалокат расида ва 65 тани дигар захмӣ шуданд

Дар пайи заминларза бо қувваи 7 бал дар минтақаи Сисзан (Тибет)-и Чин, ки шоми панҷшанбе рух дод, дастикам 16 нафар ба ҳалокат расида, 65 тани дигар захмӣ шудаанд. Си Ҷинпин, роҳбари давлати Чин дастур додааст, ки амалиёти наҷот бо тамоми нерӯ анҷом дода шавад.
Тандурустӣ
23.10.2026 11:00

Байни Тоҷикистону Узбекистон Ёддошти тафоҳуми ҳамкорӣ дар соҳаи ҳифзи иҷтимоӣ ба имзо расид

Дар доираи саммити ҷаҳонии “Сармоягузорӣ ба некӯаҳволии кӯдакон: роҳ ба сӯи рушди устувор ва одилона барои наслҳои оянда”, ки дар шаҳри Самарқанд доир гашт, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдулллозода бо директори Агентии миллии ҳифзи иҷтимоии назди Президенти Ҷумҳурии Узбекистон Оллоёров Мансурбек вохурӣ намуд.
Матолиби ҷолиб дар ВАО
23.10.2026 09:07

Зеленский: “Сӯзишвории Русия наметавонад ба коҳиши назарраси нархҳо дар Амрико мусоидат кунад”

Раиси ҷумҳури Украина мегӯяд, ҳаҷми сӯзишвории дизелие, ки Русия тибқи созиши ахир бо Вашингтон таъмин мекунад, барои таъсир гузоштан ба нархҳо дар бозори Амрико кофӣ нест. Ӯ ҳамчунин, Доналд Трампро даъват кардааст, ки барои ба мизи музокирот овардани Владимир Путин аз фишори бештар истифода кунад.
Аврупо ва Америка
23.10.2026 08:59

Вэнс: “Фиристодаи вижаи Иёлоти Муттаҳида гуфтугӯҳо бо Русия ва Украинаро аз сар гирифт”

Ҷей Ди Вэнс, муовини раиси ҷумҳури Амрико, мегӯяд, ки Стив Уиткофф, фиристодаи вижаи ин кишвар, дар рӯзҳои ахир гуфтугӯ бо мақомоти Русия ва Украинаро аз сар гирифтааст.
Дунёи адабиёт
23.10.2026 08:49

Дар Тоҷикистон 1050-солагии Робиаи Балхиро таҷлил карданд

Ба муносибати 1050-солагии яке аз аввалин занони шоир дар адабиёти тоҷику форс Робиаи Балхӣ рӯзи 21-уми октябр дар Китобхонаи миллии Тоҷикистон таҳти унвони “Робиаи Балхӣ - нахустин нидои ишқ” ҳамоиши илмиву адабӣ баргузор гардид.
Гуфтори мустақим
22.10.2026 14:26

Ҳорун Самарқандӣ: “Ояндаи тоҷикони Афғонистон ба ташаккули стратегияи мустақили сиёсӣ вобаста аст

Ҳорун Самарқандӣ дар рустои Самарқанди вилояти Бағлони Афғонистон таваллуд шудааст. Дар даври ҳукумати устод Раббонӣ ба ҳайси донишҷӯ дар Донишгоҳи Кобул дарс хондааст. Дарсҳояш ба итмом нарасида, муқовимат бар зидди гурӯҳи террористии Толибон оғоз мешавад ва ӯ дар дафтари Аҳмадшоҳи Масъуд муддате кор мекунад. Баъди омадани ҳукумати ҷадид ба раҳбарии Ҳомид Карзай дарсҳояшро дар Донишгоҳи тиббии Кобул идома дода, ин донишгоҳро хатм мекунад. Дар ин давра дар созмонҳои байналмилалии тандурустӣ кор кардааст. Дар соли 2015 ӯ ба ҳайси масъули бахши тандурустӣ ва равонии вилояти Бағлон кор кардааст. Қабл аз фурӯпошии ҳукумати Ашраф Ғанӣ аз Кобул хориҷ шуд ва ҳоло дар Миср кору зиндагӣ мекунад. Ӯ як фаъоли ҷомеаи шаҳрвандӣ аст, ки дар шабакаҳои иҷтимоӣ аз ҳақи тоҷикон, забони форсӣ ва ҳамгироии мардуми форсизабон дифоъ мекунад.
Эрон
22.10.2026 11:16

Ироқчӣ ба Амрико бори дигар ҳушдор дод

Сайид Аббос Ироқчӣ, вазири корҳои хориҷии Ҷумҳурии Исломии Эрон дар паёми нави худ гуфт, Теҳрон омода аст бори дигар ба дипломатия имконият диҳад. Ӯ таъкид кард, ин ба он вобаста мебошад, ки Амрико барои эҷоди эътимод ва расидан ба роҳи ҳалли одилона омодагӣ нишон диҳад.