20 Ноябр 2026,
ҷумъа, 12:35, Душанбе
20.08.2026 07:09

Хабари муҳим барои харидорон. Аз 1-уми сентябр фурӯши намаки бе йод дар Тоҷикистон манъ мешавад

Аз моҳи сентябр харидани намаки одии ошӣ дар Тоҷикистон дигар он қадар осон нахоҳад буд. Ҳукумати кишвар қарореро қабул кардааст, ки тибқи он истеҳсол ва фурӯши намаки ошӣ бояд асосан дар шакли бо йод ғанишуда сурат гирад.

Қарори мазкур 19-уми август қабул шуда, иҷрои он аз 1-уми сентябри соли 2026 оғоз мешавад. Бино ба талаботи нав, воридот, истеҳсол ва фурӯши намаки ошии бе йод дар қаламрави кишвар манъ мегардад, ба истиснои ҳолатҳое, ки аз ҷониби Ҳукумат муайян карда мешаванд.

Барои ғанӣ гардондани намак истифодаи йодати калий пешбинӣ шудааст. Мақомоти давлатӣ мехоҳанд тавассути ин чора назорати сифат ва миқдори йод дар маҳсулоти ба бозор баровардашударо пурзӯр кунанд.

Вазорати тандурустӣ ва ҳифзи иҷтимоии аҳолӣ ва Вазорати саноат ва технологияҳои нав масъули назорати иҷрои талаботи нав таъйин шудаанд. Аз ҷумла, мақомоти тандурустӣ бояд риояи меъёрҳои санитариро ҳангоми йодноккунии намак дар корхонаҳо назорат кунанд.

Ҳамзамон, сатҳ ва сифати йодати калий дар намаки истеҳсолшаванда бояд мунтазам санҷида шавад. Натиҷаи чунин санҷишҳо ба Ҳукумати Тоҷикистон пешниҳод хоҳад шуд.

Дар баробари назорат, Вазорати тандурустӣ вазифадор шудааст, ки тавассути расонаҳо корҳои фаҳмондадиҳиро миёни аҳолӣ бештар ба роҳ монад. Ҳадаф аз ин кор баланд бардоштани огоҳии мардум дар бораи аҳамияти намаки йоддор ва пешгирии бемориҳои вобаста ба ғадуди сипаршакл гуфта мешавад.

Вазорати саноат ва технологияҳои нав бошад, бояд фаъолияти корхонаҳои истеҳсол ва фурӯши намаки йоддорро пайваста назорат кунад. Ин ниҳод ҳамчунин, бояд барои дастрас ва сари вақт ворид кардани йодати калий ва дигар маводи зарурӣ чораҳои зарурӣ андешад.

Ҳамин тариқ, аз 1-уми сентябри соли 2026 дар бозори Тоҷикистон намаки ошии бе йод набояд ба фурӯш бароварда шавад. Барои истеъмолкунандагон бошад, интихоби асосӣ намаки бо йод ғанишуда хоҳад буд.

Dialog.tj

Хатти хабарҳо

20.11.2026 12:04

Хизматчиёни давлатӣ барои таҳсил дар магистратура ба Ҷопон фиристода мешаванд

Имрӯз, 20-уми ноябр бо мақсади ҷалби бештари довталабон ва интихоби номзадҳои болаёқат аз ҳисоби хизматчиёни давлатӣ барои давраи нави таҳсили солҳои 2027-2029 дар зинаи магистратураи донишгоҳҳои Ҷопон, дар доираи Лоиҳаи пешниҳоди стипендияҳо барои омодасозии кадрҳо (Лоиҳаи JDS) дар Вазорати энергетика ва захираҳои оби Ҷумҳурии Тоҷикистон чорабинӣ гардид.
20.11.2026 09:04

Дар 9 моҳ нақшаи даромади буҷети давлатӣ 114,9 фоиз таъмин гардид

Таҳти раёсати муовини якуми раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён муҳокимаи парламентӣ «Оид ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2026» дар 9 моҳи соли 2026» баргузор гардид.
20.11.2026 09:01

Чаро “идеологияи миллӣ” дар паси таблиғоти “диндору бедин” ранг мебозад?

Тоҷикистони имрӯзӣ, ки тақрибан як аср қабл онро кишвари коммунистӣ мешинохтанд, бар асоси идеологияи коммунистӣ ё ба истилоҳи рӯшанфикрони “нав ба исломрасида”-и тоҷик “кишвари атеистӣ” ба ҳайси як давлату миллат дар ҳайати Иттиҳоди Шӯравӣ ташкил карда шуд.
19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.