Намояндагии Чин дар Созмони Милал аз гурӯҳи террористии Толибон хостааст, ки бо гурӯҳҳои террористӣ муборизаи қотеъ кунанд ва иҷоза надиҳанд Афғонистон дубора ба паноҳгоҳи терроризм табдил шавад.

Сун Лэй, кордори муваққати намояндагии Чин дар Созмони Милал, рӯзи панҷшанбе, 6-уми август дар нишасти Шурои Амнияти ин созмон гуфтааст, ки ҷомеаи ҷаҳонӣ бояд бо ҳимоят аз иқтисоди Афғонистон ва беҳбуди вазъияти зиндагии мардум, ба коҳиши заминаҳои густариши терроризм кумак кунад.

Ӯ ҳамчунин, аз ҳамкории кишварҳои Осиёи Марказӣ ва созмонҳои минтақавӣ бо Афғонистон барои муқобилият бо таҳдидҳои террористии фаромарзӣ ҳимоят кардааст.

Дар ҳамин ҳол, Забеҳуллоҳ Муҷоҳид, сухангӯи гурӯҳи террористии Толибон, гуфтааст, ки ин гурӯҳ иҷоза намедиҳад аз хоки Афғонистон алайҳи ҳеч кишваре истифода шавад.

Ин изҳорот дар ҳоле матраҳ мешавад, ки нигарониҳо дар бораи фаъолияти гурӯҳҳои террористӣ дар Афғонистон ва истифода аз хоки ин кишвар барои таҳдидҳои фаромарзӣ ҳамчунон идома дорад.

Dialog.tj