Давраи даҳсолаи Антониу Гутерриш, дабири кулли Созмони Милали Муттаҳид, рӯзи 31-уми декабри соли ҷорӣ ба поён мерасад.

Расонаҳои байналмилалӣ рӯзи панҷшанбе, 23-уми июл, гузориш додаанд, ки пеш аз он ки раванди расмии интихоби дабири кулли Созмони Милали Муттаҳид аз ҳафтаи оянда оғоз шавад, қарор аст шаш номзад дар як мунозираи умумӣ ширкат кунанд.

Ин мунозираи 90-дақиқаӣ дар толори Маҷмаи умумии Созмони Милали Муттаҳид баргузор шуда, аз сӯйи шабакаи “Блумберг” пахш хоҳад шуд.

Дар ин барнома, дипломатҳо, кормандони Созмони Милали Муттаҳид ва намояндагони ҷомеаи шаҳрвандӣ метавонанд аз номзадҳо дар бораи чигунагии раҳбарии ин созмон дар шароите, ки бо чолишҳои рӯзафзуни молӣ ва сиёсӣ рӯбарӯ аст, пурсиш кунанд.

Номзадҳои ин рақобат иборатанд аз: Мишел Бачелет аз Чили, Мария Фернанда Эспиноса аз Эквадор, Рафаэл Гроссӣ аз Аргентина, Ребекка Гринспан аз Коста-Рика, Каролин Родригес-Биркет аз Гайана ва Макӣ Салл аз Сенегал.

Ин раванд дар ҳоле сурат мегирад, ки Созмони Милали Муттаҳид беш аз ҳар замони дигар бо чолишҳои асосӣ дар баробари иқтидори худ ва низоми байналмилалии пойбанди қонунҳо, ки қарор аст намояндаи он бошад, рӯбарӯ аст.

Dialog.tj