Ҳукумати шаҳри Панҷакент хабар дод, ки бар асари боришоти пуршидат ва сарзадани сел ба 29 хона ва иншооти ёрирасон лою қум ворид шуда, ба роҳ, хатти барқ, оби полезӣ ва нӯшоки зарари ҷиддӣ расидааст.

Манбаъ навиштааст, ки пас аз нисфирӯзии 19-уми июн ба асари борони пуршиддат сел омада, ба деҳаи Роҷи деҳоти Амондара шаҳри Панҷакент хисорот ҷиддӣ расидааст.

Гуфта мешавад, ки раёсати Кумитаи ҳолатҳои фавқулода ва мудофиаи гражданӣ дар шаҳри Панҷакент ва сокинони деҳаи мазкур барои бартараф кардани оқибати офати табиӣ дастаҷамъона фаъолият карда истодаанд.

Ҳамчунин, гурӯҳи кории мақомоти иҷроияи ҳокимияти давлатии вилояти Суғд бо роҳбарии муовини аввали раиси вилоят Суҳайлӣ Қурбонзода ҳамроҳи раиси шаҳр Абдухолиқ Холиқзода бо дастури Президенти Ҷумҳурии Тоҷкистон муҳтарам Эмомалӣ Раҳмон ва раиси вилояти Суғд муҳтарам Раҷаб Аҳмадзода аз ҷои ҳодиса дидан намуда, бо сокинон суҳбат намуданд.

Dialog.tj